Konferentsııa lıgasy: «Astana» Ýelstiń «Nıý-Seınts» komandasyna ese jiberdi

ASTANA. KAZINFORM - Búgin elordalyq «Astana» Konferentsııa lıgasy jalpy kezeńiniń 2-týry aıasynda syrt alańda Ýelstiń «Nıý-Seınts» komandasymen kezdesti.

Atalǵan kezdesýge «Astana» komandasy negizgi quram oıynshylaryn alyp barǵan joq. Olar 27 qazanda el birinshiligi 24-týryndaǵy «Aqtóbe» komandasyna daıyndalýda.

Sondyqtan búgingi kezdesýde qosalqy quram men jastardy alyp bardy.

Kezdesý bastalǵannan astanalyq komanda belsendilik kórsetken edi. Oıyn tizginin qolǵa alyp, qarsylas klýbtyń qaqpasy mańynda jıi boı kórsetti. Dese de óz múmkindigin tıimdi paıdalana alǵan joq. Onyń keıbirinde ýelstik fýtbolshylar tosqaýyl bolsa, endigi birinde «Astana» fýtbolshylary kózdegen nysanadan múl ketip jatty. Esesine 40-mınýtta óziniń qaqpasyna gol jiberip aldy. Bul goldy Rorı Holden óziniń enshisine jazdy.

Ekinshi kezeńde de elordalyq komanda shabýylǵa kóbirek kóńil bóldi. Oǵan ýelstik ujym qarymta shabýylmen jaýap qaıyrdy.

Al «Nıý-Seınts» sapynan Deklan Makmanýs 78-mınýtta penaltıden múlt ketken joq.

Osylaısha «Astana» qarsylasyna 0:2 esebimen jol berdi.

Endi qazaqstandyq klýb aldaǵy oıynyn 7 qarashada syrt alańda Kıprdiń «Pafos» komandasyna qarsy ótkizedi.

Eske salsaq, budan buryn elordalyq komanda 3 qazanda Serbııanyń TSTs komandasyn 1:0 esebimen jeńdi.