Konferentsııa lıgasy: «Astana» syrt alańda «Pafosqa» ese jiberdi

ASTANA. KAZINFORM — Búgin elordalyq «Astana» Konferentsııa lıgasy jalpy kezeńiniń 3-týry aıasynda syrt alańda Kıprdiń «Pafos» komandasymen kezdesti.

Qarsyla «Pafos» komandasy ózimen attas qalada «AEP Pafos» jáne «AEK Kýklıa» komandalarynyń birigýi nátıjesinde 2014 jyly qurylǵan. Byltyr óz tarıhynda alǵash ret Kıpr kýbogyn jeńip aldy. 

Bul oıynǵa astanalyq komanda negizgi quram oıynshylaryn apara alǵan joq. Olardyń barlyǵy el birinshiligi sońǵy týryndaǵy «Jetisýmen» kezdesýge daıyndalady.

Match barysynda komandalar tartysty oıyn ótkizdi. Dese de fýtbolshylar óz múmkindigin paıdalana almaı jatty.

Ekinshi kezeńde de oıyn barysy osylaısha órbidi. Kezdesý taǵdyryn sheshken jalǵyz goldy kıprlik klýbtan Anderson Sılva 87-mınýtta soǵyp ketti.
Osylaısha «Astana» qarsylasyna 0:1 esebimen jol berdi.

Endi elordalyq klýb 28 qarashada Almatyda Portýgalııanyń «Vıtorııa Gımaraınsh» komandasymen kezdesedi. 

Eske salsaq, elordalyq «Astana» budan buryn Konferentsııa lıgasynyń jalpy kezeńinde Serbııanyń TSTs klýbyn (1:0) jeńse, odan keıin Ýelstiń «Nıý-Seınts» komandasyna (0:2) jol berdi.