Konferentsııa lıgasy: «Astana» Rýmynııanyń «Korvınýl» komandasyn oısyrata jeńdi

ASTANA. KAZINFORM - Búgin fýtboldan UEFA Konferentsııa lıgasynyń úshinshi irikteý kezeńinde qazaqstandyq «Astana» Rýmynııanyń «Korvınýl» komandasymen qarymta oıyn ótkizdi.

Kezdesý barysynda elordalyq klýb jınaqy qımyl kórsetti. Nátıjesinde jasyl alań tórinde emin-erkin oınaı bildi. Dese de oıynnyń birinshi kezeńinde elordalyq klýb nebári bir ǵana gol soqty. Ony 13-mınýtta Djeffrı Chınedý óziniń enshisine jazdy. 

Ekinshi kezeń «Astananyń» tolyq basymdyǵymen ótti. Elordalyq klýbtan Marın Tomasov 57, 76-mınýtta mergendik tanytsa, Djeffrı Chınedý 63-mınýtta taǵy bir márte kózdegen nysanadan múlt ketken joq. 

Al Nazmı Grıpshı 73, Elhan Astanov 84-mınýtta basymdyqty arttyrsa, oǵan «Korvınýl» sapynan Mıhaı Velısar 78-mınýtta bir golmen jaýap qaıyrdy.

Osylaısha «Astana» qarsylasyn 6:1 esebimen oısyrata jeńdi. 

Eki komanda arasyndaǵy alǵashqy kezdesýde elordalyq klýb 2:1 esebimen basym túsken edi.

Endi «Astana» atalǵan týrnırdiń pleı-off satysynda «Sent-Mırren» (Shotlandııa) men «Brann» (Norvegııa) klýbtarynyń jeńimpazymen kezdesedi.

Sondaı-aq 15 tamyzda shymkenttik «Ordabasy» syrt alańda Armenııanyń «Pıýnık» klýbymen oınaıdy. Alǵashqy matchta «Ordabasy» qarsylasyna 0:1 esebimen jol berdi.