Konferentsııa lıgasy: «Astana» men «Elimaı» qarymta oıyndaryn ótkizedi.
ASTANA. KAZINFORM - Búgin 16 shilde kúni UEFA Konferentsııa lıgasy birinshi irikteý kezeńinde qazaqstandyq «Astana» men «Elimaı» qarymta oıyn ótkizedi.
Eki kezdesý de Qazaqstan ýaqytymen 20:00-ge belgilengen. «Astana» - «Dınamo Sıtı» (Albanııa) matchy «Qazaqstan», «Elimaı» (Semeı) - «Alashkert» (Armenııa) oıyny «Qazsport» teelarnasynan tikeleı efırde kórsetiledi.
Alǵashqy oıyn Albanııanyń Elbasan qalasynda ótip, «Astana» 1:0 esebimen jeńiske jetti. Kezdesýdegi jalǵyz goldy 69-mınýtta Ramazan Kárimov soqty.
«Dınamo Sıtı» komandasynyń seksen jylǵa jýyq tarıhy bar. Bul klýb 2023 jylǵa deıin jankúıerler qaýymyna «Dınamo Tırana» degen ataýmen jaqsy belgili.
«Dınamo Sıtı» - Albanııadaǵy eń tanymal klýbtardyń biri. Olardyń enshisinde qazirge deıin 18 chempıondyq ataq bar. Degenmen olar sońǵy ret mundaı múmkindikke 2009/2010 jylǵy maýsymda ıe bolǵan edi. Bıyl olar eýrokýbok oıyndaryna qatysýǵa byltyr
Al «Elimaı» birinshi kezdesýde Armenııanyń «Alashkert» klýbymen 1:1 esebimen teń oınap qaıtty. Matchtyń 60-mınýtynda Arsen Áshirbek «Elimaıdy» alǵa shyǵarsa, 86-mınýtta Davıd Terterıan esepti teńestirdi.
Armenııanyń tórt dúrkin chempıony (2015/16, 2016/17, 2017/18, 2020/21) atanǵan «Alashkert» alǵash ret 1990 jyly qurylǵan edi. Sol jyldary komanda Gegarkýnık oblysy Martýnı qalasynyń atynan synǵa tústi. Arada on jyldaı ýaqyt ótkende bul ujym túrli sebepke baılanysty birinshilikke qatysýdan shet qaldy.
2011 jyldan beri «Alashkert» qaıta jańǵyryp, kóptegen jetistikke qol sozdy.
Sondaı-aq qostanaılyq klýb Konferentsııa lıgasyn ekinshi irikteý kezeńinen bastaıdy. Qarsylasy - Lıtvanyń «Panevejıs» klýby.
Aıta ketsek, budan buryn almatylyq «Qaırat» UEFA Chempıondar lıgasy birinshi irikteý kezeńinde Chernogorııanyń «Sýteska» klýbyn (2:1, 2:0) qapy qaldyrdy. Endi olar ekinshi irikteý kezeńinde Kıprdiń «Omonııa» klýbymen sheberlik baıqasady.
