Konferentsııa lıgasy: «Astana» «Chelsı» komandasymen 12 jeltoqsanda oınaıdy

PARIJ. KAZINFORM — Elordalyq «Astana» komandasynyń qatysýymen ótetin 2024/25 jylǵy maýsymdaǵy ÝEFA Konferentsııa lıgasy toptyq kezeńiniń oıyn kestesi belgili boldy.

Jerebe nátıjesimen qazaqstandyq klýbqa Anglııanyń «Chelsı», Kıprdiń APOEL jáne «Pafos», Portýgalııanyń «Vıtorııa» (Gımaraınsh), Ýelstiń «Nıý-Seınts» jáne Serbııanyń TSTs komandalary qarsylas atandy.

Elordalyq ujym óz alańynda 3 qazanda TSTs, 28 qarashada «Vıtorııa», 12 jeltoqsanda «Chelsı» komandalaryn qabyldaıdy.

Al 24 qazanda syrt alańda «Nıý-Seınts», 7 qarashada «Pafos», 19 jeltoqsanda APOEL klýbtarymen kezdesedi.

«Astana» týrnırdi ekinshi irikteý kezeńinen bastady, alǵashqy aınalymda Moldovanyń «Mılsamı» klýbyn (1:0, 1:1) qapy qaldyrsa, odan keıin Rýmynııanyń «Korvınýl» komandasynan (2:1, 6:1) basym tússe, pleı-off satysynda Norvegııanyń «Brann» klýbyn (0:2, 3:0) tize búktirdi.