Konferentsııa lıgasy: «Aqtóbe» óz alańynda «Spartadan» basym tústi

ASTANA. KAZINFORM — Qazaqstandyq «Aqtóbe» UEFA Konferentsııa lıgasy ekinshi irikteý kezeńinde búgin Chehııanyń «Sparta» komandasynan basym tústi.

Qazaqstandyq komanda alǵashqy mınýttan shabýylǵa kóbirek kóńil bóldi. Oǵan chehııalyq klýb qorǵaýshylary laıyqty qarsylyq kórsetti. Oıynnyń 29-mınýtynda «Aqtóbe» sapynan Denıel Sosa mergendigimen kózge tústi. Birinshi kezeńde «Sparta» tarazy basyn teńestirýge umtyldy. Degenmen maqsatyna jete almady.

Ekinshi kezeńde de qazaqstandyq klýb qarqynyn báseńdetken joq. Nátıjesinde Oralhan Ómirtaev 83-mınýtta esepti ústemeleı tústi.

Al 90-mınýtta «Aqtóbe» qaqpasyna belgilengen penaltıden «Sparta» fýtbolshysy Velko Bırmanchevıch múlt ketken joq.

Osylaısha «Aqtóbe» qarsylasynan 2:1 esebimen basym tústi.

Endi qarymta kezdesý 31 shilde kúni ótkiziledi.

«Aqtóbe» eýrokýbok oıyndaryn Eýropa lıgasy birinshi irikteý kezeńinen bastap, bul joly Polshanyń «Legııa» komandasyna (0:1, 0:1) esebimen jol berdi.

Aıta ketsek, budan buryn qazaqstandyq «Astana» óz alańynda Moldovanyń «Zımbrý» komandasymen 1:1 esebimen teń tústi.

Eske salsaq, budan buryn Chempıondar lıgasy ekinshi irikteý kezeńinde almatylyq «Qaırat» Fınlıandııanyń «KýPS» komandasyna ese jiberdi.