Konferentsııa lıgasy: «Aqtóbe» óz alańynda «Saraevoǵa» ese jiberdi
ASTANA. KAZINFORM — Búgin, 11 shildede ÝEFA Konferentsııa lıgasynyń birinshi irikteý kezeńi aıasynda «Aqtóbe» óz alańynda bosnııalyq «Saraevo» komandasymen kezdesedi.
«Saraevo» komandasy 1946 jyly qurylǵan. Bosnıı jáne Gertsegovına birinshiliginde bes márte chempıon atandy.
Atalǵan klýb eýrokýbok oıyndaryna turaqty túrde qatysyp keledi. Ázirge toptyq kezeńge jete alǵan joq.
Kezdesý barysynda komandalar bir-biriniń qaqpasy mańynda jıi boı kórsetip, gol soǵatyn múmkindikti izdedi. Soǵan qaramastan birinshi kezeńde qaqpa qulpy ashylǵan joq.
Ekinshi kezeńde de aqtóbelik klýbtyń basymdyǵy baıqalyp turdy. Qos qanattan jıi shabýyl uıymdastyryp jatty. Aqtóbelik shabýylshy Maksım Samorodovtyń ózi birneshe múmkindikti múlt jiberip aldy.
Oıynnyń 90-mınýtynda sapynan «Saraevo» sapynan Fransıs Keremeh soqqan gol komandasyna jeńis alyp keldi.
Qarymta kezdesý 18 shildege belgilengen.
Endi elorda ýaqytymen 22:00–de Eýropa lıgasy birinshi irikteý kezeńinde «Tobyl» men Slovakııanyń «Rýjemberok» komandalary kezdesedi.
Eske salsaq, budan buryn Chempıondar lıgasy birinshi irikteý kezeńinde «Ordabasy» moldovalyq «Petrokýb» komandasymen teń tústi.
