Konferentsııa lıgasynda «Tobyl» fınlıandııalyq «Honkamen» kúsh synasady
Qazaqstandyq komanda alǵashqy irikteý satysynda fınlıandııalyq «Honka» klýbymen kúsh synasady. Alǵashqy oıynyn 13 shildede óz alańynda ótkizse, qarymta kezdesý 20 shildede syrt alańda bolady.
«Honka» Fınlıandııa chempıonatynyń úsh dúrkin kúmis júldegeri bolǵan. Eki márte Fınlıandııa lıgasy kýbogyn, bir márte Fınlıandııa kýbogyn tóbesine kóterdi.
Al Qostanaılyq klýb byltyr Konferentsııa lıgasy ekinshi irikteý satysynda Gıbraltardyń «Lınkoln Red Imps» (2:0, 1:0) komandasyn qapy qaldyrsa, odan keıin Bosnııanyń «Zrınskı» klýbyna (1:1, 0:1) jol berdi.
Sondaı-aq Konferentsııa lıgasy ekinshi irikteý satysynda Shymkenttiń «Ordabasy» jáne «Aqtóbe» klýbtary jarys jolyn bastaıdy.
Eske salsaq, budan buryn elordalyq «Astana» komandasynyń UEFA Chempıondar lıgasy birinshi irikteý satysyndaǵy qarsylasy belgili boldy.
