Konferentsııa lıgasy: «Tobyl» Fınlıandııanyń «Honka» komandasymen kezdesedi

ASTANA. QazAqparat - Búgin fýtboldan UEFA Konferentsııa lıgasy birinshi irikteý satysynda qostanaılyq «Tobyl» óz alańynda Fınlıandııanyń «Honka» komandasymen kezdesedi, dep habarlaıdy QazAqparat tilshisi.

Kezdesý 12 shildede Qostanaıdaǵy ortalyq stadıonda elorda ýaqytymen 21:00-de bastalyp, «Qazsport» telearnasynan tikeleı efırde kórsetiledi.

«Honka» 1957 jyly qurylǵan. Fınlıandııanyń veıkkaýslıgasynda (joǵarǵy lıgasy) 2008, 2009, 2013 jyldarda kúmis júldeger atansa, 2019 jyly qola júldege qol sozdy.

Eýrokýbok oıyndaryna alǵash ret 2007 jyly qatysty. Sol jyly Intertoto kýbogynda synǵa tússe, odan keıin UEFA kýbogy, Eýropa lıgasynda baq synady.

Eki komanda arasyndaǵy qarymta kezdesý 20 shildege belgilengen.

Al «Tobyl» eýrokýbok oıyndarynda alǵash ret 2003 jyly baq synady. Ázirge toptyq kezeńge shyǵa almaı keledi.

Jeńimpaz ujym ekinshi irikteý satysynda Shveıtsarııanyń «Bazel» komandasymen sheberlik baıqasady. Oıyn 27 shilde jáne 3 tamyz kúnderi bolady.

Eske salsaq, «Astana» Chempıondar lıgasynda grýzııalyq «Dınamomen»teń tústi.