Konferentsııa lıgasy: «Tobyl» fınlıandııalyq «Honka» komandasymen qarymta oıyn ótkizedi

ASTANA. QazAqparat - Búgin fýtboldan UEFA Konferentsııa lıgasy birinshi irikteý satysynda qostanaılyq «Tobyl» syrt alańda Fınlıandııanyń «Honka» komandasymen qarymta oıyn ótkizedi, dep habarlaıdy QazAqparat tilshisi.

Kezdesý 20 shildede elorda ýaqytymen 22:00-de bastalyp, «Qazsport» telearnasynan tikeleı efırde kórsetiledi.

«Tobyl» eýrokýbok oıyndarynda alǵash ret 2003 jyly baq synady. Ázirge toptyq kezeńge shyǵa almaı keledi.

«Honka» 1957 jyly qurylǵan. Fınlıandııanyń veıkkaýslıgasynda (joǵarǵy lıgasy) 2008, 2009, 2013 jyldarda kúmis júldeger atansa, 2019 jyly qola júldege qol sozdy.

Aıta ketsek, eki komanda arasyndaǵy alǵashqy kezdesýde «Tobyl» qarsylasynan 2:1 esebimen basym tústi.

Jeńimpaz ujym ekinshi irikteý satysynda Shveıtsarııanyń «Bazel» komandasymen sheberlik baıqasady. Oıyn 27 shilde jáne 3 tamyz kúnderi bolady.

Eske salsaq, Chempıondar lıgasynda «Astana» ekinshi irikteý satysyna shyqty.