Konferentsııa lıgasy: «Ordabasy» jarysty aıaqtady
ASTANA. QazAqparat – fýtboldan UEFA Konferentsııa lıgasy ekinshi irikteý satysynda Shymkenttiń «Ordabasy» klýby Polshanyń «Legııa» komandasymen kezdesti, dep habarlaıdy QazAqparat tilshisi.
Oıyn basynan komandalar birden shabýylǵa kóshti. Tizgindi polshalyq fýtbolshylar óz qolyna alýǵa tyrysty.
Oıynnyń 18-mınýtynda «Legııa» fýtbolshysy Pavel Vsholek qazaqstandyq komanda qorǵanysyndaǵy óreskel qatelikti paıdalanyp, «Ordabasy» qaqpashysymen betpe-bet shyqty. Bul múmkindikti múlt jibermegen ol qaqpany dál kózdedi.
Al 42-mınýtta polshalyq komandadan ıÝrıı Rıbeıro basymdyqty arttyrdy.
Oǵan 57-mınýtta shymkenttik klýbtan Vsevolod Sadovskıı bir golmen jaýap qaıyrsa, 71-mınýtta Tomash Pekhart «Legııany» jeńiske jaqyndatty. Budan keıin «Ordabasy» oıynshysy Sergeı Malyı gol soqqanmen, bul esepti teńestirýge jetkiliksiz boldy.
Osylaısha shymkenttik komanda qarsylasynan 2:3 jeńilip qaldy.
Aıta ketsek, eki komanda arasyndaǵy alǵashqy kezdesý 2:2 esebimen teń aıaqtaldy.
Eki oıynnyń qorytyndysymen «Legııa» jarystyń úshinshi satysyna shyqty.
Eske salsaq, budan buryn «Tobyl» tańǵajaıyp kórsetkishpen Shveıtsarııanyń «Bazelin» orta jolda (3:1, 1:2) qaldyryp, Konferentsııa lıgasynyń úshinshi satysyna shyqty.
Sondaı-aq «Aqtóbe» Konferentsııa lıgasynyń úshinshi satysyna joldama aldy.
Endi jarystyń úshinshi satysynda 10 jáne 17 tamyz kúnderi «Tobyl» Soltústik Irlandııanyń «Derrı Sıtı», «Aqtóbe» Rýmynııanyń «Sepsı» krmandalarymen sheberlik baıqasady.
