Konferentsııa lıgasy: «Ordabasy», «Aqtóbe» jáne «Tobyl» alǵashqy oıyndaryn ótkizedi
ASTANA. QazAqparat - Búgin qazaqstandyq «Ordabasy» (Shymkent), «Aqtóbe» jáne «Tobyl» (Qostanaı) klýbtary UEFA Konferentsııa lıgasy ekinshi irikteý satysyndaǵy alǵashqy oıyndaryn ótkizedi, dep habarlaıdy QazAqparat tilshisi.
Elorda ýaqytymen 20:50-de «Ordabasy» men «Legııa» (Polsha), 22:50-de «Torpedo Kýtaısı» (Grýzııa) men «Aqtóbe» kezdesýleri «Qazsport» telearnasynan tikeleı efırde kórsetiledi.
Polshalyq «Legııa» klýby 1916 jyly qurylǵan. Qazirge deıin óz eliniń 15 dúrkin chempıony atanyp úlgerdi. Birneshe márte Chempıondar lıgasy men Eýropa lıgasy toptyq kezeńderinde synǵa túsken.
Buǵan deıin eýrokýbok oıyndarynda eki márte qazaqstandyq klýbtarmen joly túıisti. 2014 jyly Eýropa lıgasy pleı-off satysynda «Aqtóbeni» (2:0, 1:0) qapy qaldyrdy.
Al 2017 jyly úshinshi irikteý satysynda «Astanaǵa» (1:0, 1:3) jol berdi.
Al «Torpedo Kýtaısı» 1946 jyly alǵashqy oıynyn ótkizgen. Grýzııa chempıonatynda tórt márte jeńis tuǵyryna kóterildi.
Olar Eýropa lıgasynda aqtóbelik klýbtan 2012 jyly (1:1, 0:1) 2019 jyly «Ordabasydan» (0:2, 0:1) jeńilip qaldy.
Sondaı-aq, 23:20-de jankúıerler «Qazaqstan» telearnasynan «Bazel» (Shveıtsarııa) men «Tobyl» kezdesýin tamashalaı alady.
Qostanaılyq klýb buǵan deıin 2006 jyly UEFA kýbogy birinshi irikteý satysynda «Bazel» klýbyna (1:3, 0:0) jol berdi.
Odan keıin shveıtsarııalyq komanda 2021 jyly Konferentsııa lıgasy toptyq kezeńinde almatylyq «Qaırattan» eki márte (3:2, 4:2) jeńip ketken edi.
Eske salsaq, buǵan deıin Chempıondar lıgasy ekinshi irikteý satysynda «Astana» horvatııalyq «Dınamodan» oısyraı jeńildi.
