Konferentsııa lıgasy: Qazaqstandyq klýbtardyń oıynyn qaıdan kórýge bolady

ASTANA. QazAqparat - Qazaqstandyq klýbtardyń UEFA Konferentsııa lıgasy ekinshi irikteý satysyndaǵy alǵashqy oıyndary qaı telearnadan kórsetiletini belgili boldy, dep habarlaıdy QazAqparat tilshisi.

Konferentsııa lıgasy ekinshi irikteý satysynda qazaqstandyq «Ordabasy» (Shymkent), «Aqtóbe» jáne «Tobyl» (Qostanaı) komandalary synǵa túsedi.

Aldymen «Ordabasy» óz alańynda Polshanyń «Legııa» komandasyn qabyldaıdy.

Oıyn elorda ýaqytymen 20:50de bastalyp, «Qazsport» telearnasynan tikeleı efırde kórsetiledi.

Al atalǵan telearnadan 22:50-de grýzııalyq «Torpedo Kýtaısı» men «Aqtóbe» kezdesýi tikeleı efırde kórermen nazaryna usynylady.

Sondaı-aq, 23:20-de jankúıerler «Qazaqstan» telearnasynan «Bazel» (Shveıtsarııa) men «Tobyl» kezdesýin tamashalaı alady.

Aıta ketsek, qostanaılyq klýb birinshi irikteý satysynda Fınlıandııanyń «Honka» komandasyn (2:1, 0:0) qapy qaldyrdy.