Konferentsııa lıgasy fınalyna «Roma» men «Feıenoord» shyqty
NUR-SULTAN. QazAqparat - Fýtboldan UEFA Konferentsııa lıgasy fınalyna joldama alǵan komandalar anyqtaldy, dep habarlaıdy QazAqparat tilshisi.
Atalǵan týrnırdiń jartylaı fınalynyń qarymta oıyndary 5 mamyr kúni ótkizildi.
Alǵashqy jupta Italııanyń «Roma» jáne Anglııanyń «Lester Sıtı» komandalary kezdesti.
Kezdesýde ıtalııalyq klýb 1:0 esebimen jeńiske jetti. Birinshi oıyn germanııalyq komanda 1:1 esebimen teń aıaqtalǵan edi.
Nátıjesinde «Roma» fınalǵa joldama aldy.
Ekinshi jupta Frantsııanyń «Marsel» komandasy óz alańynda Nıderlandynyń «Feıenoord» klýbymen 1:1 esebimen teń tústi.
Birinshi oıynda «Feıenoord» qarsylasyn 3:2 esebimen jeńgen edi.
Eki oıynnyń nátıjesimen «Feıenoord» endi fınalda synǵa túsedi.
Fınal 25 mamyrda Albanııanyń Tırana qalasyndaǵy «Kombetare» stadıonynda ótkiziledi.
Eske salsaq, budan buryn UEFA Chempıondar lıgasy fınalyna joldama alǵan komandalar anyqtaldy.
Sondaı-aq, fýtboldan Eýropa lıgasy fınalyna shyqqan klýbtar da belgili boldy.
