Konferentsııa lıgasy: «Astana» jeńip, «Tobyl» qarsylasyna ese jiberdi

ASTANA. QazAqparat - Qazaqstandyq «Astana» jáne «Tobyl» fýtboldan Konferentsııa lıgasy pleı-off satysynda alǵashqy oıyndaryn ótkizdi, dep habarlaıdy QazAqparat tilshisi.

Elordalyq «Astana» óz alańynda Albanııanyń «Partızanı» komandasyn qabyldady.

Kezdesý barysynda qazaqstandyq komanda basym boldy. Oıynnyń 41-mınýtta elordalyq klýbtan Stepan Lonchar qarsylas komanda qaqapshysyn qapy qaldyrdy.

Ekinshi kezeńde tóreshi oıynnan tys qaldy degen sebeppen «Astananyń» úsh golyn esepke alǵan joq.

Nátıjesinde «Astana» qarsylasynan 1:0 esebimen basym tústi.

Taǵy bir kezdesýde Qostanaıdyń «Tobyly» óz alańynda Chehııanyń «Vıktorııa Plzen» komandasynan jeńilip qaldy.

Kezdesý barysynda chehııalyq klýbtan Sadý 73 Lýkash Kalvah 90-mınýtta eki gol soqsa, oǵan 99-mınýtta «Tobyl» sapynan Serj Deble penaltıden esep aıyrmasyn qysqartty.

Osylaısha qostanaılyq klýb qarsylasyna 1:2 esebimen ese jiberdi.

Qarymta kezdesý 31 tamyzǵa belgilengen.