Konferentsııa lıgasy: «Astana» jáne «Tobyl» pleı-off satysyndaǵy alǵashqy oıynyn ótkizedi

ASTANA. QazAqparat - Qazaqstandyq «Astana» jáne «Tobyl» komandalary búgin fýtboldan Konferentsııa lıgasy pleı-off satysynda alǵashqy oıyndaryn ótkizedi, dep habarlaıdy QazAqparat tilshisi.

Elordalyq «Astana» óz alańynda Albanııanyń «Partızanı» komandasyn qabyldaıdy.

Albanııalyq klýb 1946 jyly qurylǵan. Qazirge deıin óz elinde 16 márte chempıon atansa, 21 márte kúmis júlde aldy.

Eýrokýbok oıyndaryna turaqty túrde qatysyp keledi. Ázirge toptyq kezeńde baq synap kórgen emes.

Oıyn elorda ýaqytymen 20.00-de «Qazaqstan» telearnasynan tikeleı efırde kórsetiledi.

Bas tóreshi - shotlandııalyq Donald Robertson. Oǵan otandastary Alan Malvennı men Denıel Makfarleın kómekshilik jasaıdy. Qosalqy tóreshi de sol eldiń ókili - Grant Irvın.

«Astana» aldymen Chempıondar lıgasynda Grýzııanyń «Dınamo Tbılısı» klýbynan (1:2, 1:1) aılasyn asyrsa, odan keıin Horvatııanyń «Dınamo Zagreb» komandasyna (0:4, 0:2) ese jiberdi.

Al Eýropa lıgasynda Bolgarııanyń «Lýdogorets» klýbyna (2:1, 1:5) ese jiberdi.

Alǵashqy kezdesýde komandalar 1:1 esebine qanaǵat bildirdi.

Al Qostanaıdyń «Tobyly» óz alańynda Chehııanyń «Vıktorııa Plzen» komandasymen sheberlik baıqasady.

«Vıktorııa Plzen» 1911 jyly qurylǵan. Qazirge deıin óz elinde 6 márte chempıon atansa, 4 márte ekinshi oryn aldy.

Eýrokýbok oıyndaryna turaqty túrde qatysyp, birneshe márte toptyq kezeńde synǵa tústi.

Oıyn elorda ýaqytymen 20.00-de «Qazsport» telearnasynan tikeleı efırde kórsetiledi.

Aıta ketsek, Konferentsııa lıgasynyń alǵashqy úsh irikteý satysynda qostanaılyq klýb Fınlıandııanyń «Honka» (0:0, 2:1), Shveıtsarııanyń «Bazel» (3:1, 1:2), Soltústik Irlandııanyń «Derrı Sıtı» (2:1, 0:1) klýbtaryn qapy qaldyrdy.

Aıta keteıik, «City Transportation Systems» JShS habarlaýynsha, Astana-Arena stadıonynda ótetin matchqa baılanysty №№ 10, 12, 26, 37, 40, 51, 53, 60 jáne 303 qala mańy baǵdarlarynyń júrý ýaqyty uzartylady. Osylaısha, oıynnan keıin jankúıerler úıine kedergisiz jete alady.