Konfederatsııa kýbogynda taekvondodan fınalǵa shyqqan komandalar anyqtaldy
ALMATY. QazAqparat - Búgin Balýan Sholaq atyndaǵy sport saraıynda sporttyq jekpe-jek jáne kúsh qoldanatyn sport túrleri konfederatsııasy kýbogynyń jartylaı fınalyna irikteý oıyndary -t3p jatyr. Dál osy ýaqytta taekvondo (WTF) sportynan birlesken komandalyq jarystar aıaqtaldy. Ońtústik Qazaqstan oblysynyń komandasy Almaty qalasynyń komandasyn 51-50 upaı sany boıynsha jeńip, fınalǵa ótse, Batys Qazaqstan men Jambyl oblysy sportshylary arasyndaǵy saıysta 36-41 upaı sanymen Jambyl oblysy taekvondoshylary jeńdi, dep habarlaıdy QazAqparat.
Qazirgi ýaqytta taekvondodan Batys Qazaqstan oblysy Jambyl quramasy kezdesýde.
Eske sala keteıik, 3-4 jeltoqsanda Almatydaǵy Balýan Sholaq atyndaǵy sport saraıynda sporttyq jekpe-jek jáne kúsh qoldanatyn sport túrleri konfederatsııasy kýbogynyń jartylaı fınal jáne fınaldyq kezeńi ótedi.
Tuńǵysh ret boks, kúres, dzıýdo jáne taekvondo (WTF) sportynan birlesken komandalyq jarys retinde ótkiziletin sharanyń jalpy júlde qory - 125 mln teńge.
Konfederatsııa kýbogy úshin qatysýshy komandalar jerebe boıynsha tórt topqa bólingen:
«A» toby: Qyzylorda oblysy, Almaty oblysy, Astana jáne Almaty qalasy.
«B» toby: ShQO, BQO, SQO jáne Aqmola oblysy.
«S» toby: OQO, Pavlodar oblysy, Qostanaı oblysy, Qaraǵandy oblysy.
«D» toby: Jambyl oblysy, Aqtóbe oblysy, Atyraý oblysy jáne Mańǵystaý oblysy.
Іrikteý kezeńiniń nátıjesinde, grek-rım kúresinen jartylaı fınalda Almaty oblysy Ońtústik Qazaqstan oblysymen kezdesse, Soltústik Qazaqstan quramasy Jambyl oblysymen jolyǵady.
Erkin kúresten Almaty oblysynyń jartylaı fınaldaǵy qarsylasy Ońtústik Qazaqstan oblysy, Shyǵys Qazaqstan óńiri aqtóbeliktermen beldesedi.
Dzıýdodan fınalǵa beriler joladama úshin qyzylordalyq sportshylar Qaraǵandy quramasymen talassa, Shyǵys Qazaqstan oblysy jambyldyq dzıýdoshylarmen tatamıge shyǵady.
Sonymen qatar, jartylaı fınalda boks kezdesýleri de ótedi. Buǵan deıin úzdik tórt komanda anyqtalǵan. Mańǵystaý, Ońtústik Qazaqstan, Almaty oblystary men Astana qalasy fınalǵa shyǵatyn myqtylardy anyqtaıdy.
Sondaı-aq, Konfederatsııa kýbogynyń fınaldyq kezeńinde Eldos Smetov (Jambyl oblysy, dzıýdo), Ádilbek Nııazymbetov (Mańǵystaý oblysy, boks), Nursultan Mamaev (OQO, taekvondo), Jansaı Smaǵulov (Qaraǵandy oblysy, dzıýdo), Erjan Shynkeev (Qaraǵandy oblysy, dzıýdo), Rasýl Kalıev (ShQO, erkin kúres), Nurmahan Tinálıev (Almaty oblysy, grek-rım kúresi), Aslan Kahıdze (Almaty oblysy, erkin kúres), Berik Ábdrahmanov (Mańǵystaý oblysy, boks) syndy tanymal sportshylar da qatysady.
