Konfederatsııa kýbogynda Portýgalııa men Meksıka quramalary teń tústi
ASTANA. QazAqparat - Reseıde ótip jatqan Konfederatsııa kýbogynyń toptyq kezeńiniń birinshi týrynda Portýgalııa quramasy Meksıka komandasymen oıynda 2:2 esebimen teń tústi. Qazanda ótken kezdesýge 34 372 kórermen qatysty, dep habarlaıdy TASS.
Portýgalııa quramasynyń quramynan Rıkardý Kýarejma (34-shi mınýtta) men Sedrık Soaresh (86) gol saldy. Al meksıkalyq quramadan Haver Ernandes (42) pen Ektor Moreno (90) mergendikterimen kózge tústi. 22 mınýtta portýgalııalyq komandanyń qorǵaýshysy Pepe qarsylastar qaqpasyna dop saldy. Alaıda, beıneassıstentterdiń kómeginen soń gol salynbaǵan bolyp esepteldi. Beıneqaıtalaýda fýtbolshynyń ofsaıtta qalǵandyǵy baıqaldy.
Beınetúsirilimniń kómegi alǵash ret Konfederatsııa kýbogynda paıdalanylǵan bolatyn. Matchtyń eń úzdik oıynshy Krıshtıaný Ronaldý bolyp tanyldy.
