Konfederatsııa Kýbogy: Jartylaı fınalǵa shyqqan tórt komanda belgili boldy
ASTANA. QazAqparat - El ishinde asa tanymal bolyp kele jatqan Konfederatsııa Kýbogy aıasyndaǵy jarystyń shırek fınaldyq kezdesýleri óz máresine jetti, dep habarlaıdy QazAqparat tilshisi.
QR Boks federatsııasynyń baspasóz qyzmetiniń habarlaýynsha, keshe Konfederatsııa Kýbogy aıasynda ótken saıysta Astana men Mańǵystaý komandalary jartylaı fınalǵa joldama aldy.
Esterińizge sala keteıik, osyǵan deıin habarlaǵanymyzdaı, Pavlodar men Shymkent qalalarynda A jáne S toptarynda synǵa túsken óńirlik komandalar ózara baq synasyp, Qaraǵandy men Shymkent komandalary úzdik shyqqan bolatyn.
Endi mine, olardyń V toby men D tobynyń jartylaı fınalyna shyqqandary belgili boldy. Osylaısha Astana, Mańǵystaý, Qaraǵandy men Shymkent jartylaı fınalda kezdesedi. Aqtyq básekeler Táýelsizdik kúni qarsańynda ótedi dep josparlanǵan.
Jerebe qorytyndysy boıynsha qazirgi tańda barlyq oblystyq komandalar 4 topqa bólinip ózara baq synasýda.
A toby: Almaty oblysy, Batys Qazaqstan oblysy, Pavlodar jáne Qaraǵandy oblystary.
V toby: Astana, Atyraý oblysy, Soltústik Qazaqstan men Shyǵys Qazaqstan óńirleri.
S toby: Shymkent qalasy, Jambyl, Qostanaı men Aqtóbe oblystary.
D toby: Mańǵystaý oblysy, Almaty qalasy, Qyzylorda men Aqmola oblystary.
Jartylaı fınalda boks, kúres jáne thekvondodan jekpe-jekter bir ýaqytta bolady. Fınaldyq oıyndar Táýelsizdik kúni qarsańynda uıymdastyrylmaq.
Konfederatsııa Kýbogy 2016 jyldan bastap 6 sport túrinen ótip turady. Olar - grek-rım kúresi, erkin kúres, dzıýdo, qazaq kúresi, thekvando jáne boks. Ár sport túri boıynsha jeńip shyqqan óńirlik quramalar 25 mıllıon teńgeni enshileıdi.
