Konfederatsııa kýbogy: Qazaq kúresinen qandaı komandalar qatysady
ASTANA. QazAqparat - Almaty qalasynda ótetin qazaq kúresinen klýbtar arasyndaǵy konfederatsııa kýbogynyń irikteý kezeńine qatysatyn komandalar belgili boldy, dep habarlaıdy QazAqparat tilshisi.
Qazaq kúresi federatsııasy taratqan málimetke súıensek, 1 jeltoqsan kúni QazUÝ-dyń sport kesheninde ótetin konfederatsııa kýbogynyń irikteý synyna 10 komanda qatysady.
Alǵashqy aınalymnan ótkender 2-3 jeltoqsanda Balýan Sholaq atyndaǵy sport saraıynda jartylaı fınal jáne fınalda baq synaıdy.
"Konfederatsııa Kýbogy 2017"-ge qatysýshy komandalar tizimi:
1. Almaty "Qazaq kúresi" klýby (Almaty qalasy)
2. "Elorda Batyry" sport klýby (Astana)
3. "Alakól" sport klýby (Almaty oblysy)
4. "Jekpe-jek kásipqoı sport klýby" (Jambyl oblysy)
5. "Tarbaǵataı" qazaq kúresi sport klýby (ShQO)
6. Semeı medıtsına ýnıversıteti sport klýby (ShQO)
7. M.Qaıyrbaev atyndaǵy sport klýby (Pavlodar oblysy)
8. "ZAK KAR" qazaq kúresi klýby (Qaraǵandy oblysy)
9. Qaraǵandy oblysy qazaq kúresi klýby (Qaraǵandy oblysy)
10. Balýan Sholaq atyndaǵy qazaq kúresi klýby (OQO)
Esterińizge sala keteıik,2-3 jeltoqsan kúnderi Balýan Sholaq atyndaǵy sport saraıynda sporttyq jekpe-jek jáne kúsh qoldanylatyn sport túrleri boıynsha konfederatsııasy kýbogynyń fınaldyq kezeńi ótedi.
Osymen ekinshi ret uıymdastyrylyp otyrǵan dodada boks, kúres, dzıýdo, taekvondo jáne qazaq kúresinen birlesken komandalyq jarystar ótedi. Júlde qory - 125 mln teńge.
Qatysýshy komandalar jerebe boıynsha tórt topqa bólingen edi:
«A» toby: Almaty oblysy, BQO, Pavlodar oblysy, Atyraý oblysy;
«B» toby: Mańǵystaý oblysy, SQO, Qaraǵandy oblysy, ShQO;
«S» toby: OQO, Aqtóbe oblysy, Astana qalasy, Qostanaı oblysy,
«D» toby: Jambyl oblysy, Qyzylorda oblysy, Almaty qalasy, Aqmola oblysy
Іrikteý kezeńiniń nátıjesi boıynsha jarystyń jartylaı fınalynda kelesi komandalardyń sportshylary baqtaryn synaıdy:
Taekvondo: Almaty qalasy, Almaty oblysy, OQO, Mańǵystaý oblysy;
Dzıýdo: Almaty qalasy, Atyraý oblysy, Aqtóbe oblysy, Qaraǵandy oblysy;
Grek-rım kúresi: Qyzylorda oblysy, Almaty oblysy, OQO, Qaraǵandy oblysy;
Erkin kúres: Almaty qalasy, Almaty oblysy, Aqtóbe oblysy, ShQO.
