Konfederatsııa kýbogy: A tobynyń jeńimpazdary anyqtaldy
ASTANA. QazAqparat - Keshe Semeı qalasynda Konfederatsııa kýbogynyń A tobyna túsken komandalar arasynda irikteý jarysy ótti, dep habarlaıdy QazAqparat tilshisi.
QR Kúres túrleri federatsııasynyń baspasóz qyzmeti málim etkendeı, oǵan Shyǵys Qazaqstan, Qostanaı, Batys Qazqstan jáne Pavlodar oblysynyń sportshylary qatysyp, sporttyń tórt túrinen - grek-rım kúresi, erkin kúres, dzıýdo jáne taekvondodan top jeńimpazdaryn anyqtady.
Іrikteý saıysynyń qorytyndysy boıynsha Qostanaı oblysynyń grek-rım kúresiniń quramasy jartylaı fınalǵa joldama aldy. Al, erkin kúreste Shyǵys Qazaqstan oblysyna teń keler eshkim bolmady.
Osylaısha, úsh birdeı irikteý kezeńiniń qorytyndysy boıynsha tómendegideı komandalar jartylaı fınalǵa joldama aldy.
Grek rım kúresi - Qostanaı oblysy, Almaty oblysy, Soltústik Qazaqstan oblysy;
Erkin kúres - ShQO, Astana qalasy, Túrkistan oblysy;
Endi sońǵy irikteý kezeńi S tobyna túsken komandalar arasynda ótedi. Atyraýda 27-28 qazanǵa josparlanǵan jarysqa Atyraýdan bólek, Almaty qalasy, Jambyl jáne Mańǵystaý oblysynyń sportshylary qatysady.
Foto: www.wrestling.kz
