Konfederatsııa kýbogy-2017 jarysynyń jerebesi tartyldy
ASTANA. QazAqparat - Astanada «Konfederatsııa kýbogy-2017» jarysynyń jerebesi tartyldy, dep habarlaıdy QazAqparat tilshisi.
Kúsh qoldanylatyn sport túrleri jáne sporttyq jekpe-jek konfederatsııasynyń uıymdastyrýymen bıyl ekinshi ret ótkeli otyrǵan «Konfederatsııa kýbogynyń» jerebe tartý rásimine Olımpıada jáne álem chempıonattarynyń júldegerleri qatysty.
Atalǵan jarysqa elimizdiń 16 óńiriniń sańlaqtary sporttyń 5 túrinen jarysqa túsedi. Jarystyń ereksheligi bir mezette kórermender boks, grek-rım kúresi, erkin kúres, dzıýdo jáne taekvondo syndy sport túrleri boıynsha saıystardy tamashalaı alady.
Jerebe tartý rásiminde 16 komanda 4 topqa bólinip, ózara qarsylastaryn anyqtady.
A tobynda BQO, Almaty oblysy, Pavlodar oblysy, Atyraý oblysy saıysqa tússe, B tobyna SQO, Mańǵystaý oblysy, Qaraǵandy oblysy, ShQO kirdi. Al S tobynda Aqtóbe oblysy, Astana qalasy, Qostanaı oblysy, OQO ózara synǵa tússe, D tobynda Qyzylorda oblysy, Jambyl oblysy, Almaty qalasy, Aqmola oblysy ózara myqtylardy anyqtaıdy.
A tobynyń jeńimpazy S tobynyń jeńimpazymen V tobynyń jeńimpazy D tobynyń jeńimpazymen jolyǵady.
Іrikteý kezeńderi Aqtaý, Shymkent, Taraz jáne Taldyqorǵan qalalarynda ótedi. Naqtyraq aıtsaq, 7-8 qazan - Taraz qalasy D tobyn qabyldasa, 14-15 qazan - Taldyqorǵan qalasy A tobyn qabyldaıdy. Al 21-22 qazan - Shymkent qalasy S tobyn qabyldasa, 28-29 qazan - Aqtaý qalasy V tobyn qabyldaıdy.
Osy irikteýde ár sport túri boıynsha úzdik shyqqan komandalar jeltoqsan aıynyń 2-3 aralyǵynda Almaty qalasynda ótetin aqtyq kezeńde baqtaryn synaıtyn bolady. Júlde qory - 125 mln teńge. Bir sport túri boıynsha jeńiske jetken komanda 25 mln teńgege ıe bolady.
