«Konfederatsııa kýbogy-2017» jartylaı fınalyna shyqqan óńirler belgili boldy
ASTANA. QazAqparat - Aqtaýdyń «Mańǵystaý Arena» saraıynda «Konfederatsııa kýbogy-2017» týrnıri irikteý kezeńiniń sońǵy týry aıaqtaldy, dep habarlaıdy QazAqparat.
«S» tobynyń irikteý kezeńinde Mańǵystaý, Soltústik Qazaqstan, Shyǵys Qazaqstan jáne Qaraǵandy oblystarynyń sportshylary grek-rım, erkin kúresten, taekvondodan jáne dzıýdodan myqtylardy anyqtady. Sonymen grek-rım kúresinen jartylaı fınalǵa Soltústik Qazaqstan oblysynyń balýandaryn jeńgen qaraǵandylyqtar shyqty. Erkin kúreste shyǵysqazaqstandyq komanda balýandaryna eshkim qarsylyq tanyta almady. Bul óńirdiń balýandary sheshýshi belsesýde mańǵystaýlyqtardan basym tústi.
Al «Konfederatsııa kýbogy-2017» týrnıriniń jartylaı fınalyna joldama alǵan komandalar mynalar:
Taekvondodan: Almaty qalasy, Almaty, Ońtústik Qazaqstan jáne Mańǵystaý oblystary;
Dzıýdodan: Almaty qalasy, Atyraý, Aqtóbe jáne Qaraǵandy oblystary;
Grek-rım kúresinen: Qyzylorda, Almaty, Ońtústik Qazaqstan jáne Qaraǵandy oblystary;
Erkin kúresten: Almaty qalasy, Almaty, Aqtóbe jáne Shyǵys Qazaqstan oblystary.
Konfederatsııa kýbogy ótken jyly bekitilgen bolatyn. Jalpy júlde qory 125 mln teńgeni quraıdy. Kýbogtyń aqtyq kezeńi 2,3 jeltoqsan kúnderi Almatydaǵy «Balýan Sholaq» atyndaǵy sport saraıynda ótedi dep josparlanǵan.
