Konfederatsııa Kýbogy 2017: OQO men Aqtóbe sportshylary 1/2 fınalǵa joldama aldy
ASTANA. QazAqparat - Búgin Shymkent qalasynda «Konfederatsııa Kýbogy 2017» dodasynyń «S» tobynyń básekeleri ótti, dep habarlaıdy QazAqparat tilshisi.
Jerebe boıynsha «S» tobynda Ońtústik Qazaqstan, Aqtóbe, Qostanaı oblystary men Astana qalasynyń sportshylary ózara synǵa túsip, nátıjesinde taekvondo sporty boıynsha Ońtústik Qazaqstan oblysynyń sportshylary qarsylas shaq keltirmeı, jartylaı fınaldyq básekelerge joldama aldy.
Dzıýdo men erkin kúresten aqtóbelik balýandardyń mereıi ústem boldy.
Al grek-rım kúresi boıynsha Ońtústik Qazaqstan oblysynyń balýandary basymdyq tanytty. 
Esterińizge sala keteıik, «Konfederatsııa Kýbogy» osymen ekinshi jyl qatarynan ótkizilip otyr. Aýqymdy dodanyń jartylaı fınaldyq jáne fınaldyq saıystary 2-3 jeltoqsan kúni Almaty qalasynda ótedi.
