Kóne túrik qamalynda 4000 jyl buryn salynǵan qupııa týnnel tabyldy
ASTANA. QazAqparat - Túrkııadaǵy Ortalyq Anatolııanyń kóne Gevale qamalynda qazba jumystaryn júrgizgen arheologtar 4000 myńǵa jýyq jyl ýaqyt buryn salynǵan qupııa týnneldi anyqtady, dep jazady epochtimes.ru.
Gevale qamaly Takkel taýynyń shynynda, 1700 metr bıiktikte, Túrkııadaǵy Konıa qalasynan batysqa qaraı 7 shaqyrym jerde ornalasqan. Bul oryn kóptegen órkenıetter: hetter, ellınıstik, rımdik, vızantııalyq, seldjýkter, qaramanıdter jáne Osman dáýiriniń mekeni bolǵan. Sol kezderi qamal aımaqtaǵy eń myqty qorǵanystardyń birine aınaldy.
Gevale qamalyndaǵy arheologııalyq qazba jumystary 2012 jyly Túrkııanyń Mádenıet mınıstrliginiń, Konıa murajaıynyń Bas dırektsııasy jáne Erbakan ýnıversıtetiniń basshylyǵymen bastalǵan. Ǵalymdar munda áshekeılengen jáne áshekeılenbegen keramıkalyq qumyralar, ózge de tutyný quraldaryn,metall zattaryn tapty. Ótken jyly arheologtar qorǵan úıindileri men jartastarǵa oıylyp jazylǵan tsısternalardy qazyp aldy.
Zertteýshiler sondaı-aq hetterdiń tórt myń jylǵa jýyq buryn salǵan, seljuqtar (HІ-HІ ǵǵ.) dáýirinde paıdalanylǵan qupııa týnneldi anyqtady, dep jazady Hurriyet Daily News.
