Kóne pıramıdalar qaı elderde ornalasqan? - FOTO
ASTANA. QazAqparat - Pıramıdany elestetkenimizde birinshi Mysyrdaǵy áıgili úsh pıramıda men Meksıkadaǵy onyń analogy oıymyzǵa keledi. Degenmen pıramıdalar salynǵan aımaqtar munymen shektelip qalmaıdy, dep jazady .
2006 jyly Bosnııada alty úlken pıramıda tabylǵan. Bul Eýropadaǵy eń kóne pıramıdalar bolatyn. Keıinnen buryn-sońdy belgisiz bolǵan kóne sáýlet ónerleriniń Italııa, Ispanııa, Horvatııa, Slovenııa, Gretsııa, Túrkııa, Anglııa, Frantsııa jáne Serbııada bar ekeni anyqtalady. Sondaı-aq, 2008 jyly eýropalyq ǵalymdar birneshe jylǵa sozylǵan ekspedıtsııa aıasynda Qytaıdyń Sıan qalasynan 100-den astam aq pıramıdany tabady.
Egıpet
Mysyrdyń Gıza qalasynda boı kótergen pıramıdalar - búkil álemniń nazaryna ilikken eń tanymal kóne qurylystar. Birneshe myńjyldyqtar tarıhyn ózinde qupııa saqtap kele jatqan pıramıdalar týraly qazirgi tańda da adamdar kóp bile bermeıdi. Sol úshin de ǵylymda egıptologııa salasy jolǵa qoıylǵan.
Sýdan
Egıpetke Sýdan eli kórshi bolǵannan keıin Meroe pıramıdalarynyń qurylysyn da mysyrlyqtar salǵan dep oılaýymyz múmkin. Rasynda bul ekeýi eki túrli ýaqytta jáne ártúrli tehnologııamen salynǵan. Sýdandaǵy qumǵa kómilip ketken pıramıdalar patshalardyń zıraty bolǵanymen, ony Kýsh ımperııasyndaǵy quldar salady. Búginge deıin Meroe pıramıdalarynyń 50 danasy aman jetken.
Kanar araldary
Kanar araldaryndaǵy pıramıdalardy áıgili norveg saıahatshysy Týr Heıerdal alǵash ret tapqan. Tenerıfe aralyndaǵy kóne qurylystyń mańynda jergilikti gýımar halqy ómir súrgen bolsa da, olar belgisiz pıramıdalarǵa qyzyǵýshylyq tanytpaǵan eken. Heıerdaldyń ǵylymı boljamyna sensek, Gıza pıramıdalaryna uqsamaıtyn sáýlet ónerin gýanchı dep atalǵan araldyń kóne turǵyndary salǵan. Tenerıfede jalpy bir-birine jaqyn salynǵan 6 pıramıda tabylǵan.
Úndistan
Úndistanda pıramıda pishini keıpinde salynǵan ǵıbadathanalar kóp. Solardyń eń úlkeni - Brıhadeshvar ǵıbadathanasy. Onyń bıiktigi 60 metrden asady. Kóne úndi mıfologııasyndaǵy úsh negizgi qudaıdyń biri Shıvaǵa arnalyp salynǵan ǵıbadathana qurylysy shamamen H ǵasyrǵa jatady.
Qytaı
Indonezııa
Shrı-Lanka
Kambodja
Meksıka
Atstekter salǵan Meksıkadaǵy Kún pıramıdasynyń bıiktigi - 68 metr. Atalǵan sáýlet qurylysy HІІІ ǵasyrda atstekter órkenıetiniń ortalyǵy bolǵan kóne Teotıýakan qalasynda boı kótergen. Bul qala qazirgi Mehıkodan 40 shaqyrym alys jerde ornalasqan. Mehıkonyń ózi atstekter astanasy Tenochtıtlan qalasynyń ornynda salynǵan.
Gvatemala
Ortalyq Amerıkadaǵy Gvatemala elinde tabylǵan pıramıdalardy HІ ǵasyrda maııalar salǵan. Ol atalǵan órkenıettiń astanasy ári úlken qalasy bolǵan El Mıradordyń ortalyǵynda boı kótergen. El-Tıgre pıramıdasynyń bıiktigi 51 metr bolsa, La-Danta qurylysy 72 metrge jetken.
Dahshýr (Mysyr)
Búginge deıin jetken Dahshýr pıramıdalary bizdiń zamanymyzǵa deıin XXVI ǵasyrda salynǵan. Olar - Egıpettiń ońtústiginde órkendegen Dahshýr dáýirine jatatyn sáýlet óneri. Dahshýr pıramıdalarynyń eń úlkeni 105 metr bolǵan. Qazir ol 101,1 metrge deıin tómendegen.
Bosnııa
Italııa
Gretsııa
Anglııa
Frantsııa
