Kóne men keleshek kópiri: Túrkistanda halyqaralyq baıqaý qorytyndysy jarııalandy

TÚRKІSTAN. QazAqparat – Túrkistanda «Kóne men keleshek kópiri» atty halyqaralyq baıqaýdyń qorytyndysy jarııalandy, dep habarlaıdy QazAqparat tilshisi.

Qoja Ahmet ıAsaýıdiń 930 jyldyǵyna oraı uıymdastyrylǵan baıqaýǵa Túrkistan, Qyzylorda oblystary men Almaty, Oral, Atyraý, Aqtaý qalalalarynan 30-dan astam fotograf pen qylqalam sheberi qatysty.

Erejege sáıkes, baıqaýdyń marapattaý saltanaty eki baǵytta ótkizildi. Birinshisi – kóne jáne jańa Túrkistannyń kórinisinen syr shertetin fotosýretter bolsa, ekinshisi – rýhanı astananyń kelbeti beınelengen qylqalam sheberleriniń kartınalary.

Nátıjesinde, «Fotosýret» nomınatsııasy boıynsha 1-orynǵa Serikbolsyn Sheri, 2-orynǵa Asyl Jumahanov ıe boldy. Al, Anton Lışenko men Ulpan Ábdirahman 3-oryndy ıelendi. «Qylqalam sheberleri» nomınatsııasy boıynsha Temirbek Nurmashev jeńimpaz atansa, Murat Shahanbaev 2-oryndy jeńip aldy. Al, Serik Qınabaev pen Erjan Rysymbetov 3-orynǵa ıe boldy.

Jeńimpazdar men júldegerler arnaıy Alǵys hat jáne qarjylaı syılyqpen marapattaldy.