Kóne dınozavrdyń súıegi aýktsıonda 6 mln dollarǵa satyldy
Beısenbi kúni Nıý-Iorktegi Sotheby's aýktsıonynda gorgozavrdyń qańqasy satylymǵa shyǵaryldy. Ol – jurtqa jaqsy tanymal tırannozavr rekstiń alys týysy bolyp esepteledi.
Anonımdi satyp alýshy endi joıylyp ketken jyrtqyshqa qalaǵan esimin bere alady. Bul jeke menshikke satylymǵa shyǵarylǵan jalǵyz jádiger. Búkil álemde bundaı súıek qaldyqtarynyń sany 20 ǵana ekeni belgili.
Sotheby's aýktsıonyna tarıhta ekinshi ret qana dınozavr súıegi shyǵarylyp otyr. Alǵashqy Sıý esimi berilgen tırannozavr Chıkagodaǵy jaratylystaný tarıhy mýzeıine 1997 jyly 8,3 mln dollarǵa satylǵan edi.
Gorgozavr Jerde shamamen 77 mln jyl buryn tirshilik etken. Basy, aýzy úlken, aldynda eki qoly kishkentaı bolǵan.
Dınozavrdan kishirek bolǵanymen gorgozavr tisi ótkir, jyldam qımyldaıtyn bolǵan.
Súıek Amerıkanyń Montana shtatynda tabylǵan, 79 elementten turady. Bıiktigi - 3 metr, uzyndyǵy – 6,7 metr.
Birqatar mamandar dınozavr súıeginiń jeke aýktsıonda satylyp jatqanyna alańdaýshylyq bildirdi.
Foto: gettyimages.com
