Kóne Bozoq qalasy ushar bıikten túsirildi - VIDEO
ASTANA. QazAqparat - Elorda turǵyny, bloger Vıtalıı Perov myńjyldyq tarıhy bar Bozoq qalasyn ushar bıikten vıdeoǵa túsirdi.
Kóne Bozoq qalasy Astanadan nebári 5 shaqyrym qashyqtyqta, Astrahan tas joly boıynda ornalasqan. Onyń aýmaǵy 30 gektar jerdi alyp jatyr.
Qazba jumystary 1999 jyly bastalǵan. Osy jumystar nátıjesinde Bozoq qalasy 8-10 ǵasyrlarda Uly Jibek jolynyń tarmaǵy - Dala joly boıynda qala-qorǵan bolǵany anyqtaldy. Ol sondaı-aq qypshaq bıleýshisiniń ordasy, dinı-mádenı ortalyq bolǵan.
Zertteýshiler Bozoq qalasynyń irgesinde búgingi Astana boı kótergen dep sanaıdy. Qos shahardyń ózindik tarıhı úndestigi bary aıdan anyq. Bul jańalyq tarıhı túsinikti túbegeıli ózgertip jiberdi. Sebebi buryn bul jer tek mal jaıýǵa arnalǵan dala sanalyp kelgen edi.
