Kondýktorsyz avtobýs: Astanada kontroler jetispeı jatyr
ASTANA. QazAqparat - «Astana LRT» kompanııasynda kontrolerlardyń jetispeýshiligi máselesiniń bary belgili boldy, dep habarlaıdy QazAqparat tilshisi.
«Bizde múltiksiz baqylaý joq - qazirgi ýaqytta bizde kontroler jetispeı jatyr. Másele mynada, bizge jergilikti polıtsııa qyzmetkerleri kóbirek kerek. Demek, kóliktik baqylaý departamentiniń qyzmetkeri ózdigimen jolaýshylarǵa aıyppul sala almaıdy. Olarda aıyppul salarlyqtaı quziret joq. Ol amalsyz 102 nómirine habarlasýǵa májbúr bolady. Bul - yńǵaısyz shara dese de bolady», - dep jaýap berdi uıymnyń baspasóz hatshysy Naýat Azanbaeva redaktsııanyń resmı saýal hatyna.
Onyń aıtýynsha, qazirgi ýaqytta joldarda 94 kontroler men 20 JPQ qyzmetkeri jumys isteýde. Kondýktor-keńesshiniń biliktiligi boıynsha kóliktik baqylaý qyzmetiniń qyzmetkerlerine aınalýy múmkin be degen suraqqa Naýat Azanbaeva tómendegideı jaýap berdi.
«Keıbir keńesshiler «Astana LRT» JShS-ǵa tirkelip, bizde kóliktik baqylaý menedjeri qyzmetine aýysyp ketti. Keıbiri óz parkterinde jelilik-baqylaý qyzmetinde eńbek etýde. Biraq, kontroler bolý úshin olar arnaıy oqýdan ótip, biliktiligin arttyrady. Olar jolaýshylar men júkterdi tasymaldaý boıynsha barlyq zańdar men erejelerdi biledi. Barlyq kondýktorlardy oqytý múmkin emes», - deıdi «Astana LRT» ókili.
