Kondomınıým obektisin basqarý qaǵıdalaryna 1 shildeden bastap ózgeris engiziledi

ASTANA. KAZINFORM – Ónerkásip jáne qurylys mınıstriniń buıryǵymen «Kondomınıým obektisin basqarý jónindegi qaǵıdalarǵa» ózgeris engizildi.

Qujatqa sáıkes, buıryqpen bekitilgen qaǵıdalardyń orys tilindegi mátinindegi 2-tarmaqtyń 16) tarmaqshasy alyp tastaldy. Qazaq tilindegi mátin ózgerissiz qaldy. Sonymen qatar qaǵıdalardyń 24-tarmaǵy jańa redaktsııada jazyldy.

– Kóppáterli turǵyn úıdi aǵymdaǵy jóndeý Qazaqstan Respýblıkasynyń Qurylys kodeksiniń 41-babyna sáıkes bekitilgen memlekettik normatıvtik qujattardyń talaptaryna sáıkes júrgiziledi, – delingen qujatta.

Bul rette atalǵan buıryqtyń 1-tarmaǵynyń besinshi abzatsy 2026 jylǵy 1 shildeden bastap qoldanysqa engiziledi. 

Aıta keteıik, Qazaqstanda jańa Qurylys kodeksi qabyldanyp, 1 shildeden bastap kúshine enedi.