Kondomınıým obektisiniń ortaq múlkin kútip-ustaýǵa arnalǵan shyǵystar smetasyn esepteý ádistemesine ózgerister engizildi
QazAqparat qujattyń mátinin taratady.
Qazaqstan Respýblıkasy Qurylys jáne turǵyn úı-kommýnaldyq sharýshylyq ister agenttiginiń buıryǵy № 390
2012 jylǵy 06 tamyz, Astana qalasy
«Kondomınıým obektisiniń ortaq múlkin kútip-ustaýǵa arnalǵan shyǵystar smetasyn esepteý ádistemesin bekitý týraly» Qazaqstan Respýblıkasy Qurylys jáne turǵyn úı-kommýnaldyq sharýashylyq isteri agenttigi tóraǵasynyń 2011 jylǵy 12 jeltoqsandaǵy № 479 buıryǵyna ózgeris engizý týraly»
«Turǵyn úı qatynastary týraly» Qazaqstan Respýblıkasynyń 1997 jylǵy 16 sáýirdegi Zańynyń 10-2-babynyń 10-4) tarmaqshasyna sáıkes jáne vedomstvolyq normatıvtik quqyqtyq aktilerdi jetildirý jónindegi jumystyń sheńberinde buıyramyn:
1. «Kondomınıým obektisiniń ortaq múlkin kútip-ustaýǵa arnalǵan shyǵystar smetasyn esepteý ádistemesi bekitý týraly» Qazaqstan Respýblıkasy Qurylys jáne turǵyn úı-kommýnaldyq sharýashylyq isteri agenttigi tóraǵasynyń 2011 jylǵy 12 jeltoqsandaǵy № 479 buıryǵyna (Qazaqstan Respýblıkasynyń Ádilet mınıstrliginde 2012 jylǵy 12 qańtarda № 7376 bolyp tirkeldi, «Kazahstanskaıa pravda» jáne «Egemen Qazaqstan» gazetterinde 2012 jylǵy 24 sáýirde jarııalandy) mynadaı ózgeris engizilsin:
kórsetilgen buıryqpen bekitilgen Kondomınıým obektisiniń ortaq múlkin kútip-ustaýǵa arnalǵan shyǵystar smetasyn esepteý ádistemesinde:
15-tarmaq mynadaı redaktsııada jazylsyn:
«15. Kondomınıým obektisiniń ortaq múlkine kúrdeli jóndeý júrgizýge arnalǵan shyǵystar smetasyn bekitý úı-jaılar (páterler) menshik ıeleriniń jınalysynda mindetti túrde qaraýdy jáne maquldaýdy talap etedi. Turǵyn úı ınspektsııasy kondomınıým obektisin basqarý organy usynǵan kondomınıým obektisiniń ortaq múlkine kúrdeli jóndeýdiń jekelegen túrlerin júrgizýge arnalǵan, turǵyn úı kómeginiń qatysýymen qarjylandyrylatyn shyǵystardyń smetasyn kelisýdi júzege asyrady.».
2. Turǵyn úı sharýashylyq departamenti osy buıryqty Qazaqstan Respýblıkasy Ádilet mınıstrliginde memlekettik tirkeýdi qamtamasyz etsin.
3. Osy buıryq alǵash ret resmı jarııalanǵan kúninen keıin on kúntizbelik kún ótken soń qoldanysqa engiziledi.
Tóraǵanyń mindetin atqarýshy N.Tıhonıýk.
Kondomınıým obektisiniń ortaq múlkin kútip-ustaýǵa arnalǵan shyǵystar smetasyn esepteý ádistemesi baspasózde jarııalandy.
