Kondomınıým obektisiniń ortaq múlkin kútip-ustaý qaǵıdalaryn bekitý týraly QR Úkimetiniń qaýlysy bekitildi

Qazaqstan Respýblıkasy Úkimetiniń qaýlysy №1421

2011 jylǵy 1 jeltoqsan,  Astana, Úkimet Úıi

Kondomınıým obektisiniń ortaq múlkin kútip-ustaý qaǵıdalaryn bekitý týraly

«Turǵyn úı qatynastary týraly» Qazakstan Respýblıkasynyń 1997 jylǵy 16 sáýirdegi Zańynyń 10-1-babynyń 2) tarmaqshasyn iske asyrý maqsatynda Qazakstan Respýblıkasynyń Úkimeti qaýly etedi:
1. Qosa berilip otyrǵan Kondomınıým obektisiniń ortaq múlkin kútip-ustaý qaǵıdalary bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.

Qazaqstan Respýblıkasy Úkimetiniń
2011 jylǵy 1 jeltoqsandaǵy №1421 qaýlysymen bekitilgen

Kondomınıým obektisiniń ortaq múlkin kútip-ustaý qaǵıdalary

1. Osy Kondomınıým obektisiniń ortaq múl­kin kútip-ustaý qaǵıdalary (budan ári - Qaǵı­dalar) «Turǵyn úı qatynastary týraly» Qazaq­stan Respýblıkasynyń 1997 jylǵy 16 sáýirdegi Zańyna (budan ári - Zań) sáıkes ázirlengen jáne Qazaqstan Respýblıkasynyń turǵyn úı qoryna kiretin turǵyn úılerde kondomınıým obekti­siniń ortaq múlkin kútip-ustaý úderisinde týyndaıtyn qatynastardy retteıdi.
2. Qaǵıdalarda mynadaı negizgi uǵymdar paıdalanylady:
servıstik qyzmet sýbektisi - kondomınıým obektisin kútip-ustaý jónindegi qyzmetti júzege asyratyn jeke nemese zańdy tulǵa;
ortaq múlik - dara (bólek) menshiktegi úı-jaılardan basqa, kondomınıým obektisiniń bólikteri (abattandyrý elementterin jáne ortaq paıdalanylatyn basqa da múlikterdi qosa alǵanda, kireberister, baspaldaqtar, lıftiler, tóbeler, shatyrlar, jertóleler, páterden tys ne úıge ortaq ınjenerlik júıeler men jabdyq­tar, abonenttik pochta jáshikteri, jer ýchaskesi);
jer ýchaskesi - turǵyn úıge (turǵyn ǵımarat­qa) Qazaqstan Respýblıkasynyń zańnamasynda belgilengen tártippen bekitilip berilgen jer aýmaǵy;
ǵımaratty (qurylysty, jabdyqty, kommý­nı­katsııany, turǵyn úı-kommýnaldyq maqsat­taǵy obektilerdi) aǵymdaǵy jóndeý - ǵımarat­tyń (qurylystyń, jabdyqtyń, kommýnıka­tsııa­nyń, turǵyn úı-kommýnaldyq maqsattaǵy obek­tilerdiń) jaramdylyǵy men jumys qabiletin qalpyna keltirý, normatıvtik jáne tehnıkalyq qujattamalarda belgilengen kólemde shektelgen nomenklatýranyń quramdas bólikterin aýys­tyra nemese qalpyna keltire otyryp, onyń resýrstaryn ishinara qalpyna keltirý úshin oryndalatyn jumys;
ǵımaratty (qurylysty, jabdyqty, kommý­nı­katsııany, turǵyn úı-kommýnaldyq maqsat­taǵy obektilerdi) kúrdeli jóndeý - ǵımaratty (qurylysty, jabdyqty, kommýnıkatsııany, tur­ǵyn úı-kommýnaldyq maqsattaǵy obektilerdi) qajet bolǵan jaǵdaıda konstrýktıvtik element­teri men ınjenerlik jabdyqtar júıelerin aýystyra otyryp, onyń resýrsyn qalpyna keltirý, sondaı-aq paıdalaný kórsetkishterin jaqsartý maqsatynda jóndeý;
kondomınıým obektisin kútip-ustaý - kon­domınıým obektisin basqarý organymen jasas­qan shartqa sáıkes servıstik qyzmet sýbektisi iske asyratyn uıymdastyrýshylyq jáne tehnı­kalyq is-sharalar jıyntyǵy;
kondomınıým obektisin basqarý organy - kondomınıým obektisin basqarý jónindegi fýnktsııalardy júzege asyratyn jeke nemese zańdy tulǵa.
3. Kondomınıým obektisiniń ortaq múlkin kútip-ustaýdy servıstik qyzmet sýbektisi kondomınıým obektisin basqarý organymen jasaskan shartqa sáıkes júzege asyrady. Shart jasasar aldynda úı-jaılardyń (páterlerdiń) menshik ıeleri servıstik qyzmet sýbektileriniń kandıdatýralaryn jalpy jınalysta qaraıdy jáne servıstik kyzmet sýbektisin anyqtaý týraly hattama jasaıdy.
4. Kondomınıým obektisin basqarý organy úı-jaılardyń (páterlerdiń) menshik ıeleriniń kondomınıýmnyń osy obektisiniń ortaq múlkin kútip-ustaýǵa jáne aǵymdaǵy jóndeýge jumsa­latyn jarnalary (tólemderi) aýdarylatyn kon­domınıýmnyń árbir obektisine ekinshi deń­geıdegi bankte aǵymdaǵy shot jáne kon­do­mınıýmnyń osy obektisiniń ortaq múlkin kúr­deli jóndeýge jumsalatyn somalardy jınaqtaý úshin jınaq shotyn ashady.
5. Kondomınıým obektisiniń ortaq múlkin kútip-ustaý:
1) aǵymdaǵy jáne kúrdeli jóndeýdi sáýlet-qurylys normalaryna, ekologııalyq talaptar men normatıvterge, sanıtarlyq-tehnıkalyq qyz­met kórsetý jónindegi is-sharalarǵa sáıkes júrgizý;
2) kommýnaldyq qaldyqtardy jınaý oryn­darynda ekologııalyq qaýipsizdik normalaryn saqtaý;
3) kondomınıým obektisiniń ortaq múlkin, úıge ortaq ınjenerlik júıeler men jabdyq­tardy, jer ýchaskesin aǵymdaǵy tehnıkalyq, sanıtarlyq kútip-ustaý;
4) kondomınıým obektisiniń ortaq múlkin kútip-ustaýǵa arnalǵan shyǵystar smetasyn esepteý;
5) kondomınıým obektisiniń ortaq múlkin ne onyń jekelegen qurylys konstrýktsııalaryn, úıge ortaq ınjenerlik júıeler men jabdyq­ta­ryn kúrdeli jóndeý arqyly júzege asyrylady.
6. Kondomınıým obektisin basqarý organy men servıstik qyzmet sýbektisiniń arasynda shart jasalǵan kezde qyzmetterdiń tizbesine my­na­daı jumystardy keshendi oryndaý qamty­lady:
1) kondomınıým obektisiniń konstrýk­tsııa­lary men ınjenerlik jabdyqtarynyń tehnı­ka­lyq jaı-kúıin josparly jáne jospardan tys tekserip qaraý (gaz, lıft jabdyqtary men qoqys jınaǵyshtardy qospaǵanda, olarǵa tıisti uıymdarmen jeke sharttar jasalady);
2) qoqys jınaǵyshtardy, úı mańyndaǵy aýmaqtardy sanıtarlyq tazartý, qoqysty áketý (kárizi joq úılerde - aýladaǵy dárethananyń qazylǵan shuńqyrlaryn tazartý, jınaý jáne ákteý);
3) kógaldandyrý;
4) jertólelik úı-jaılar men ortaq paıdalanylatyn basqa da oryndardy dezınfektsııalaý, deratızatsııalaý, dezınsektsııalaý;
5) kóktemgi-jazǵy jáne qysqy maýsymdarǵa daıyndyq;
6) avarııalardy joıý;
7) jeldetkish arnalary men tútindikterdi tazartý;
8) kondomınıým obektisiniń ortaq múlkin aǵymdaǵy jóndeý;
9) kondomınıým obektisiniń ortaq múlkin kúrdeli jóndeý;
10) ortaq paıdalanylatyn oryndarda ortalyq jylytý, sýmen jabdyqtaý, sý burý, elektrmen jabdyqtaý, jeldetý júıelerine qyzmet kórsetý.
7. Kondomınıým obektisiniń ortaq múlkin kútip-ustaýǵa arnalǵan aı saıynǵy jar­nalar­dyń mólsherin úı-jaılardyń (páterlerdiń) menshik ıeleriniń jınalysynda bekitiledi.
8. Úı-jaılardyń (páterlerdiń) menshik ıeleri:
1) kondomınıým obektisiniń ortaq múlkin, sondaı-aq jer ýchaskesin paıdalanady jáne basqarady;
2) kondomınıým obektisiniń ortaq múlkiniń saqtalýy men qaýipsiz paıdalanylýyn qamtamasyz etedi.