Kondolıza Raıs jańalyqtar qyzmetiniń qyzmetkeri atandy
ASTANA. 21 qańtar. QazAqparat - AQSh-tyń eks-memlekettik hatshysy Kondolıza Raıs amerıkandyq CBS telekompanııasynyń jańalyqtar arnasynyń qyzmetkeri boldy, dep habarlady RTR-Vestı.ru.
Kompanııa prezıdenti Devıd Rods «onyń zor saıası tájirbesi Amerıkanyń aldynda turǵan shetelderdegi jáne eldiń ishindegi máselelerdi zerdeleýde arna habarlarynda paıdalanylatyn bolady», dep málimdedi.
Kondolıza Raıs 2005 jylǵy qańtardan 2009 jylǵy qańtarǵa deıin AQSh memlekettik hatshysy qyzmetin atqardy. Ol AQSh prezıdentiniń ulttyq qaýipsizdik boıynsha kómekshisi atanǵan alǵashqy áıel jáne AQSh memlekettik hatshysy bolǵan alǵashqy qara násildi áıel boldy. Sondaı-aq ol Madlen Olbraıttan keıin amerıkandyq ákimshilikte osyndaı joǵary qyzmettegi ekinshi áıel bolǵan.
