Kondıterlik jáne maı ónimderin óndirýshilerdiń tutynýshylardy aldaǵany anyqtaldy
ASTANA. QazAqparat - QR UEM Tutynýshylardyń quqyqtaryn qorǵaý komıtetiniń aýmaqtyq departamentteri bólshek saýda jelisinde ótkiziletin maı jáne kondıter ónimderine zertteý júrgizdi.
Tutynýshylardy aldaý Qyzylorda qalasyndaǵy «Al-Asad» saýda úıinde Maheev «Olıvkovyı» maıonezin (óndirýshi «ESSEN Prodakshn» JAQ, Samara oblysy) ótkizý kezinde anyqtaldy. Norma boıynsha 67%, ondaǵy maıdyń quramy 55%-dy quraıdy. Qyzylorda qalasyndaǵy «Al-Asad» saýda úıinde «Saratovskıı 67%» maıonezin (óndirýshi «Jırovoı kombınat» JAQ, Saratov qalasy) quramynda qyshqyly joǵary bolǵan.
«Krestıanskoe» sary maıynyń synamasynda (óndirýshi «Rost» ÓK» JShQ, Novosıbırsk qalasy) Pavlodar qalasyndaǵy «Mıras» saýda úıinde ótkiziletin maıdyń naqty massasy úlesiniń, ylǵalynyń, energetıkalyq qundylyǵy sáıkes kelmeıtini anyqtaldy.
Budan basqa, maı óniminiń 8 túrinde: Ekaterınbýrg qalasy «Jırovoı kombınat» AAQ, Samar oblysy «ESSEN Prodakshn» JAQ, «EFKO» AAQ (Belgorod jáne Sverdlov oblystary) maıonezderiniń synamalarynda, Rostov-na-Doný qalasynyń «MEZ ıÝg Rýsı Rostov» fılıalynyń «Zolotaıa semechka» kúnbaǵys maıy synamasynda tehnıkalyq reglamentterge sáıkessizdikter anyqtaldy. Komıtettiń departamentteri joǵaryda atalǵan ónimderdi aınalymnan alyp tastaý jáne olardy sáıkes kelmeıtin taýarlar tizilimine engizý jóninde is-sharalardy júrgizýde.
Kondıterlik ónimderdi zertteý kezinde «Alenka» shokoladynda ashytqynyń 8,5 esege artqany baıqaldy. Synama Shyǵys Qazaqstan oblysynda Óskemen qalasynyń «AlmaStor» JShS-synyń fılıaly «ADK» saýda úıinde alyndy. Orman jańǵaǵy qosylǵan «Alena» shokoladyn Máskeý qalasy, Krasnoznamennaıa kóshesi, 7 mekenjaıy boıynsha ornalasqan «Krasnyı oktıabr» AAQ óndiredi. Sanıtarııalyq-epıdemıologııalyq saraptama júrgizý kezinde mıkrobıologııalyq kórsetkishteri boıynsha atalǵan synama ónimdegi ashytqysynyń quramy boıynsha «Tmaq óniminiń qaýipsizdigi týraly 021/2011 KO TR-ge sáıkes kelmeıtini anyqtaldy, kórsetkish normasy 50 KOE/g bolýy tıis bolǵanda, naqty quramy 470 KOE/g kórsetti.
Budan ózge, kondıterlik ónimderdiń 10 synamasynda synamasynda: Lıpetsk qalasynyń «Lıpetskaıa kondıternaıa fabrıka «Roshen» AAQ, Máskeý oblysynyń «Mars» JShQ, Kemer oblysynyń «ıAshkıno» KDV JShQ, Volgograd oblysynyń «Rýskıı bıskvıt» JAQ, Belgorod oblysynyń «Slavıanka plıýs» JShQ-nyń kondıterlik buıymdarynyń synamalarynda tehnıkalyq reglamentterge sáıkessizdikter anyqtaldy, dep habarlady QR UEM Tutynýshylardyń quqyqtaryn qorǵaý Komıtetiniń baspasóz qyzmetinen.
