Kondıterlik tseh jumysshylarynan ishek taıaqshasy tabyldy
ALMATY. QazAqparat - Sanıtarlyq dárigerler Almatydaǵy 14 kondıterlik tseh jumystarynan zańbuzýshylyq faktilerin anyqtady, dep habarlaıdy QazAqparat tilshisi qalalyq Qoǵamdyq densaýlyqty saqtaý departamentiniń baspasóz qyzmetine silteme jasap.
Departament mamandary qaladaǵy kondıterlik tsehterdi baqylaý tekserý jumystaryn júrgizgen bolatyn.
Tekserý nátıjesinde kóptegen taǵam shyǵaratyn tseh jumystarynda azyq-túliktiń (tuz, ashytqy, qurǵaq jemister) qaýipsizdigin rastaıtyn qujattar túgel emes bolyp shyqty.
Sonymen qatar, jumysshylardyń densaýlyǵyna qatysty tekserý de júrgizilmeıtini anyqtaldy. Atap aıtqanda, qyzmetkerlerdiń irińdi aýrýlary men mıkrotravmalary qaralmaıtyny anyqtaldy. Qoımalarda aýa temperatýrasy men ylǵal kórsetkishin ólsheıtin quraldar, zararsyzdandyrý quraldary da joq. Al toqash pisirýge fortıfıtsırlengen un paıdalanylady.
«Balkaymak» JShS saýda úıiniń ashyqtylarymen pisken «Aı» pechenelerinen mıkroaǵzalar tabyldy. «Magnum Cash-Carry» JShS Almatydaǵy №7 bólimshesinde «Medovyı so sgýşenkoı» óniminen mıkroaǵzalar tabylǵan, ónim kógerip ketken. Al Igelıkova D.M. JK «Medovık» tortynan mıkrobtar tabylǵan, kógere bastaǵan. JK Rahımova S.M. «Magııa lıýbvı» tátti ónimin de zeń basqan, kógerip ketken.
Sonymen qatar, «Magnum Cash-Carry» JShS Almatydaǵy №7 bólimshesinen, Igelıkova D.M. jeke kásipkerliginiń, Rahımova S.M. jeke kásipkerliginiń, «Aıdyn» JShS jumysshylarynyń kondıterlik tseh jumysshylarynyń qolynan ishek taıaqshasy men patogendi flora qozdyrǵyshtary tabyldy.
Sanıtarlyq normany buzǵan 14 kondıterlik tseh: «Optovyı klýb» JShS, «Magnum Cash-Carry» JShS Almatydaǵy №7 bólimshesi, «Saýda úıi «Balkaymak» JShS, «Aıdyn» JShS, Djýmanbaev A.A. JK, Igelıkova D.M. JK, Rahımova S.M. JK, «Magnum Cash-Carry» JShS Almatydaǵy №7 bólimshesi janyndaǵy «DEGIRMEN» JShS, ıAkýbova N.N. JK, «Skıf Treıd» JShS, «Kondıterskıı kombınat» Vıktorııa» JShS, Pashaeva R.M. JK, «Aınur» JShS jalpy alǵanda 697 myń 450 teńge aıyppul tóleıtin boldy.
Departament mamandary sýpermarketter men dúkenderden paıdalaný merzimi ótip ketken nemese kórsetilmegen, oramasy jyrtylǵan, óndirýshiniń aty kórsetilmegen ónimderdi kórse 8 (72 72) 3 - 823 - 454 telefonyna habarlasýdy suraıdy.
Illıýstratsııalyq foto: infelko.ru
