Qonaqqa arnalǵan shapandy Shókeev ózi kıip aldy: Ákimdik jelide taraǵan vıdeoǵa túsinik berdi
Eske sala keteıik, biz buǵan deıin Túrkistanǵa Túrkııa vıtse-prezıdenti Fýat Oktaı jumys saparymen kelgenin habarlaǵan bolatynbyz.
Internette taraǵan áýesqoı kadrlarda Q.A.ıAsaýı atyndaǵy halyqaralyq qazaq-túrik ýnıversıtetinde ótken kezdesýde bolǵan qolaısyz jaǵdaı túsip qalǵan.
Onda qurmetti qonaqtyń qasynda turǵan Túrkistan oblysynyń ákimi Ómirzaq Shókeevtiń shapan kıip jatqanyn kórýge bolady.
Al, bul vıdeo jaıynda jeli qoldanýshylary «qonaqqa kıgizetin shapandy Shókeev ózi kıip aldy» dep shýlasty.
Osyǵan baılanysty túsinik bergen Q.A. ıAsaýı atyndaǵy HQTÝ baspasóz qyzmeti bul shapannyń negizi Shókeevke kıgizilgen shapan ekendigin aıtady.
«Túrkııa Respýblıkasynyń vıtse-prezıdentine bilim men ǵylymnyń damýyna qosqan úlesi úshin «Qurmetti professor» akademııalyq ataǵy berildi. Al, Túrkııa Respýblıkasynyń vıtse-prezıdenti Fýat Oktaı Qoja Ahmet ıAsaýı atyndaǵy Halyqaralyq qazaq-túrik ýnıversıtetiniń damýyna qosqan úlesi úshin Túrkistan oblysynyń ákimi Ómirzaq Shókeevke shapan usyndy»,-delingen oqý ornynyń baspasóz qyzmeti bergen málimette.
Al, oblys ákiminiń orynbasary Sáken Qalqamanov bul jaǵdaıdy «feık deı almaımyn» dedi.
«Ómirzaq Shókeev ýnıversıtettiń damýyna úlken úles qosty. Ásirese, áleýmettik ınfraqurylymdyq júıege atsalysqany úshin jáne oblystyq ákimdik tarapynan grant bólinip kóp kómek kórsetilgendikten ýnıversıtet basshylyǵy oblys ákimine shapan kıgizdi. Onyń aldynda ótken jabyq kezdesýde vıtse-prezıdentke shapan kıgizilip, syılyq berilgen bolatyn. Bul jaǵdaıdyń túsindirilip jatqany taraǵan vıdeoǵa kirmeı qalǵan. Túsirgen adam tek sol jerdi kórsetti. Feık dep aıta almaımyn. Túsindirme bar» - dedi ol.
Sondaı-aq, vıdeony túsirgen adamǵa ákimdik pen oqý orny tarapynan eshqandaı tekserý bolmaıtyndyǵyn aıtty.
