Qonaq úılerdiń baǵa saıasatyna shaǵym kóp – Oljas Bektenov
ASTANA. KAZINFORM – Týrıster tarapynan qonaq úılerdiń baǵa saıasatyna qatysty shaǵym kóp. Bul týraly Premer-Mınıstr Oljas Bektenov aıtty.
Búgin Úkimet otyrysynda Oljas Bektenov Týrızm jáne sport mınıstri Ermek Marjyqpaevtan:
«Týrızm salasynyń damýy qonaq úı qyzmetiniń sapasyna tikeleı baılanysty. Ol túsinikti. Qazir ondaǵy baǵa saıasaty men oryn máselesine qatysty shaǵym kóp túsip jatyr. Osy máselelerdi qashan jáne qalaı retteımiz?», - dep suraǵan edi.
Ermek Marjyqpaevtyń aıtýynsha, mınıstrlik múddeli taraptarmen birge úzdik halyqaralyq tájirıbeni zerdeleı otyryp, qonaq úıge týrısterdi ornastyrýdy jikteý júıesiniń jobasyn ázirlegen.
«Bul júıe kelýshilerdiń qanaǵattaný deńgeıin arttyrýǵa kásipkerler úshin múmkindikterdi keńeıtýge, ınvestorlardy, halyqaralyq qonaq úı ıelerin tartýǵa jáne ózge de sharalardy júzege asyrýǵa baǵyttalǵan. Júıeni iske asyrý búginde Parlament depýtattary qaraýynda jatqan zań jobasy aıasynda engiziletin ózgerister negizinde qolǵa alynady», - dep jaýap berdi mınıstr.
