Qonaq úıde qyzyn óltirgen brıtan azamatyn qamaý merzimi uzartyldy
ALMATY. QazAqparat - Almatyda InterContinental qonaq úıinde 1,5 jastaǵy qyzyn óltirdi degen kúdikpen ustalǵan Ulybrıtanııa azamatyn qamaý merzimi uzartyldy, dep habarlaıdy QazAqparat tilshisi.
«Tergeý sotynyń qaýlysymen bultartpaý sharasy 2020 jyldyń 24 naýryzyna deıin uzartyldy», - dedi qalalyq sottyń baspasóz qyzmetinen.
Aıta ketý kerek, byltyr 24 qazanda Almatydaǵy bes juldyzdy qonaq úıde ákesi 1,5 jastaǵy qyzyn óltirgen.
Bastapqyda býyndyryp óltirgen degen málimdeme boldy.
Keıinnen ustalǵan soń sýdıa ony 2 aıǵa qamaý týraly bultartpaý sharasyn qabyldady.
Kúdikti 41 jastaǵy Ulybrıtanııa azamaty bolyp shyqty.
