Qonaq ekskavatorǵa minip ketken
ASTANA. QazAqparat - Reseı astanasynyń avtoınspektsııasy urlanǵan júk tıeıtin ekskavatordy tapty.
«28 aqpan kúni «02» qyzmetine Máskeýdiń qurylys uıymdarynyń biriniń bas mehanıginen Kýtýzov dańǵylyndaǵy 59-úıden 01.00 kezinde ekskavator urlanǵany jaıly aryz túsken. Shaǵymdanǵan adam kólik quralynyń navıgatsııalyq júıemen qamtylǵanyn jáne onyń qazir Varshava shossesiniń boıyndaǵy 91-úıdiń mańynda turǵandyǵyn habarlaǵan», - dep málim etti JQQMI baspasóz qyzmetinen.
Kóp ýaqyt ótpeı jol ınspektorlary avtokólikti Kashır shossesiniń boıyndaǵy 16-úıdiń janynan tapqan. Rýlde 32 jastaǵy grýzııalyq azamat otyrǵan.
«Júrgizýshi memlekettik avtoınspektorǵa bergen jaýabynda onyń abyrjyǵany baıqalǵan, sondaı-aq kólik quralyna tıisti qujattary da bolmaı shyqqan», - delingen habarlamada.
