Qonaǵyn pyshaqtap óltirgen qyzylordalyq azamat 9 jylǵa sottaldy
QYZYLORDA. QazAqparat - Qyzylorda oblysynyń qylmystyq ister jónindegi mamandandyrylǵan aýdanaralyq sotynda Qazaqstan Respýblıkasynyń Qylmystyq Kodeksiniń 99-babynyń 1-bóligimen aıyptalǵan 37 jastaǵy azamatqa qatysty aıyptaý úkimi jarııalandy,-dep habarlady QazAqparat oblystyq sotqa silteme jasap.
Adam ólimimen aıaqtalǵan oqıǵa bıyl 7 sáýir kúni bolypty. Osy kúni tús aýa sottalýshy úıine kelgen qonaǵymen alkogoldik ishimdik ishedi. Aşy sý basqa tepken ekeýdiń arasynda daý týyp, úı ıesi qonaǵyn uryp qulatyp, eki márte pyshaq suǵyp alady. Alǵan dene jaraqatynyń saldarynan jábirlenýshi oqıǵa ornynda qaıtys bolypty.
Qyzylorda oblysynyń qylmystyq ister jónindegi mamandandyrylǵan aýdanaralyq sotynyń úkimimen sottalýshy QR QK-niń 99-babynyń 1-bóligimen kináli dep tanylyp, 9 jylǵa bas bostandyǵynan aıyryldy. Jazasyn qylmystyq-atqarý júıesiniń tótenshe qaýipsiz mekemesinde óteýge dep belgilendi.
Úkim zańdy kúshine engen joq.
