Qonaevty eske alýǵa arnalǵan jarysta toǵyz eldiń balýandary kúsh synasty
TARAZ. QazAqparat - Tarazda memleket jáne qoǵam qaıratkeri Dinmuhamed Qonaevty eske alýǵa arnalǵan kúresten halyqaralyq jarys ótti, dep habarlaıdy QazAqparat tilshisi Jambyl oblystyq dene shynyqtyrý jáne sport basqarmasyna silteme jasaı otyryp.
«Taraz-Arena» sport saraıyndaǵy jarysqa Qazaqstana, Reseı, Mońǵolııa, Brazılııa, Armenııa, Grýzııa, Tájikstan, Qyrǵyzstan, Ózbekstannan 150 sportshy qatysty.
Balýandar 57, 61, 65, 70, 74, 86, 97 jáne 125 kg salmaq dárejesi boıynsha kúsh synasty. Qazaqstan quramasy bir altyn, bir kúmis jáne tórt qola medal ıelendi.
Halyqaralyq jarysty QR Sport jáne dene shynyqtyrý isteri komıteti, QR Grek-rım, erkin jáne áıelder kúresi fedearatsııasy, Jambyl oblysynyń dene shynyqtyrý jáne sport basqarmasy, Jambyl oblysynyń erkin kúres federatsııasy uıymdastyrýǵa atsalysty.
