Qonaevtaǵy kazınolar qansha salyq tóleıdi
«Oıyn sýbektileri Qonaev jáne Aqmola oblysyndaǵy Şýchınsk qalasynda ornalasqan. Kazınolar búginde jumys istep tur, olardy kóshirý josparda joq. Oıynqumarlyq dep jatyrsyz, ol tek Qazaqstanda emes álemde bar. Oǵan mobıldi telefon arqyly onlaın qumartýy da múmkin. Biz jumys istep turǵan kazınolarǵa talap qoıyp jatyrmyz, ıaǵnı kazıno retinde ǵana emes oıyn-saýyq ortalyǵy retinde qaıta qurý. Bul shetelde bar tájirıbe ıaǵnı kazıno óz aldyna jumys isteıdi, odan bólek kınoteatr, akvapark, saýda ortalyǵyn uıymdastyrýǵa bolady», - dedi Marat Sultanǵazıev Ortalyq kommýnıkatsııalar qyzmetiniń kóshpeli baspasóz máslıhatynda.
Óńir basshysynyń aıtýynsha, Qonaevtaǵy kazınolardy kóshirý josparda joq.
«Jalpy oıyn-saýyq salasynda 3,5 myń adam eńbektenip jatyr jáne tóńireginde taǵy 3 myń adam jumys istep jatyr. Shamamen 7 myńdaı adam jumyspen qamtylǵan. Oblysta 61 myń turǵyn bar desek, solardyń 10/1 atalǵan salada júr. Kazınolar jyl saıyn jergilikti bıýdjetke 80-90 mlrd teńge aralyǵynda salyq tólep otyr. Bul úlken qarajat», - deıdi ol.