Qonaevtaǵy Otbasyny qoldaý ortalyǵyna 1,5 myń otbasy tirkelgen

QONAEV. KAZINFORM — Qonaev qalasyndaǵy Otbasyny qoldaý ortalyǵyna turmystyq zorlyq-zombylyqqa baılanysty 8 turǵyn júgingen.

Qonaev qalasynda Otbasyny qoldaý ortalyǵy qyzmet etedi. Ortalyqqa 1535 otbasy tirkelip, 1078 adamǵa kómek berilgen. Onyń ishinde: quqyqtyq másele — 204, áleýmettik másele — 455, psıhologııalyq kómek — 192 jáne demeýshiler tarapynan 686 adamǵa jekeleı qoldaý kórsetilgen.

— Osy ýaqytqa deıin ortalyqtyń kómegine turmystyq zorlyq-zombylyq kórgen 8 turǵyn júgingen. Eger ana men balanyń otbasyndaǵy jaǵdaıy tym nashar bolsa, olar Almaty oblystyq Turmystyq zorlyq-zombylyq qurbandaryna áleýmettik kómek kórsetý ortalyǵyna ornalastyrylady, — dep habarlady ákimdikten.

Aıta ketken jón, Qazaqstan boıynsha otbasy, áıelder men balalardyń quqyǵyn qorǵaýǵa baǵyttalǵan biryńǵaı baılanys nómiri — 111. Al Qonaev qalasyndaǵy Otbasyny qoldaý ortalyǵynyń mekenjaıy — 1 shaǵyn aýdan, № 41 úı

Eske salaıyq, buǵan deıin Qazaqstandaǵy eń alǵashqy hospıs qalaı jumys istep turǵanyn jazǵanbyz.