Qonaevtaǵy demalys aımaǵynda tok soqqan 11 jasar bala qaıtys boldy
QONAEV. KAZINFORM — Bul týraly balanyń týystary áleýmettik jelide habarlady.
Jelidegi málimetke sáıkes, Qapshaǵaı sý qoımasynyń jaǵalaýynda ornalasqan Family fort demalys aımaǵynda ilinip turǵan symdy baıqamaǵan 11 jasar balany toq soqqan. Ol alǵan jaraqattarynan jan tapsyrǵan.
Qonaev qalasynyń ákimdigi bul oqıǵa boıynsha qylmystyq is qozǵalǵanyn habarlady.
— Atalǵan aýmaqtaǵy elektr jelileri jekemenshikke tıesili. Qaıǵyly oqıǵadan keıin tirekter jaǵajaıdan alyndy. Bul derek boıynsha Qonaev qalasynyń polıtsııa basqarmasy Qazaqstan Respýblıkasy Qylmystyq kodeksiniń 306-babynyń 3-bóligi boıynsha qylmystyq is qozǵady. Sotqa deıingi tergeý júrgizilip jatyr. Jaǵdaı baqylaýda, — dep habarlady ákimdikten.
Eske salaıyq, Almatyda jyl basynan beri 20 myń bala medıtsınalyq kómekke júgingen.