Qonaevta jyl basynan beri 154 buralqy ıt aýlandy
QONAEV. KAZINFORM — Qonaev qalasy men oǵan qarasty eldi mekenderde qańǵyǵan ıtterdi aýlaý jumysy kestege sáıkes júrgizilip keledi.
Qonaev qalasy ákimdiginiń málimetinshe, qańǵybas ıtter men mysyqtardy aýlaýǵa gelmen qaptalǵan arnaıy ilmekter paıdalanylady.
«Janýarlar ıesi janynda bolmaǵan jaǵdaıda ǵana aýlanady. Sol mezette arnaıy akt jasalady, keıinnen ızolıatorlarǵa qamalady. Ol jerde janýarlar klınıkalyq tekseristen ótedi», - dep habarlady Qonaev qalasy ákimdiginiń baspasóz qyzmeti.
Ýaqytsha ustaýǵa arnalǵan oryndar janýarlarǵa yńǵaıly etip jasalǵan. Olarǵa ýaqytyly tamaq beriledi.
«Adamdarǵa shabýyl jasaǵan nemese aýrý janýarlarǵa 3 kún boıy dári-dármek beriledi. Qalǵan ıtter men mysyqtarǵa chıp qoıylyp, sterıldenedi, kastratsııalanady. Bul sharalardan soń janýarlar ıesi tabylǵanǵa deıin 14 kún ızolıatorlarda bolady, ıesi tabylmasa, aýlanǵan jerine qaıtadan jiberiledi. Jyl basynan beri qalada 154 qańǵyǵan ıt aýlandy», - dep habarlady ákimdikten.
