Qonaevta Jańa jyldyq bezendirýge baılanysty aýdıt júrgiziledi

QONAEV. KAZINFORM – Qonaev turǵyndarynyń narazylyǵynan keıin jańa jyldyq bezendirýge jumsalǵan qarajat tekseriledi .

Áleýmettik jelide Qonaev qalasyn jańa jylǵa oraı bezendirýge 148,5 mıllıon teńge bólingeni týraly aqparat tarady. Sondaı-aq qoıylǵan nysandardyń tehnıkalyq qujattamaǵa sáıkes emes ekeni týraly jazylǵan.

Osyǵan baılanysty Qonaev qalasynyń ákimdigi merdiger kompanııa táýelsiz aýdıtterge júgingenin málimdedi.

Aýdıttiń nátıjesine sáıkes, kemshilikter anyqtalsa, ákimdik tarapynan merdigerge qatysty tıisti sharalar qabyldanady7

– Qalalyq TÚKSh jáne TÚI bóliminiń memlekettik tapsyrysyn oryndaýǵa portal arqyly «Jasyl qala Qonaev» ShJQ MKK tańdalǵan. Atalǵan mekeme ortalyq alańǵa shyrsha, D.Qonaev eskertkishi mańyna 2025 merekelik jazýyn, túrli oıynshyqtar ornalastyryp, №5 jaǵajaı aýmaǵyn bezendirip, park, kópir, qalaǵa kireberistegi stela men alleıalardy jaryqtandyrǵan, merekelik oıynshyqtar qoıǵan. Memlekettik tapsyrysty berý kezinde tek Jańa jylda ǵana emes, jyl sońyna deıin nysandardyń jaryqtandyrylyp, kórikti bolýy esepke alynǵan,– dep atap ótti Qonaev ákimdiginen .

Al №5 jaǵajaı týrıstik tartymdylyqty arttyrý maqsatynda bezendirildi. Shaǵyn sáýlettik nysandar «Jasyl qala Qonaev» ShJQ MKK balansynda qalyp, keler jyly da paıdaǵa asady. Jyl sońynda qalany bezendirýge memlekettik tapsyrys tek qosymsha árleý retinde jasalady.

Qazaqstannyń basqa qalalary Jańa jyl merekesine qalaı bezendirildi - Kazinform agenttiginiń fotoreportajynda.