Qonaevta jańa temir jol stantsııasy salynýy múmkin
QONAEV. KAZINFORM – Jeke ınvestor Qonaev mańynda temirjol stantsııasyn salýǵa múddeli. Bul týraly Qonaev ákimdigi habarlady.
Jolaýshylar tasymaly jáne avtomobıl joldary bóliminiń basshysy Baǵdat Alıevtiń aıtýynsha, Qonaev qalasyna qarasty Bókter aýylynda temirjol stantsııasy salynsa, Qapshaǵaıdyń soltústik jaǵajaılarynyń damýyna múmkindik týady.
— Qazir bul temirjol arqyly tek júk tasymaldanyp júr. Aldaǵy ýaqytta «Qazaqstan temirjoly» UK» AQ» osy jobany qoldasa, ınvestor tartsaq, qaladaǵy týrızm damıdy. Jolaýshylar qatynasyna taǵy bir baǵyt qosylady. Osylaısha, shomylý maýsymynda demalýshylar sany ósedi, — dedi Baǵdat Alıev.
Al qala ákimi ınvestıtsııalyq jobany áli de talqyǵa salý qajettiligin atap ótti.
— Almaty oblysynyń basshylyǵy men temirjolǵa jaýapty mekemelerden qoldaý tabylsa, Qonaev qalasynyń ákimdigi ınvestorlarmen jumys isteýge árdaıym ashyq, — dedi ákim Ashat Berdihanov.
Aıta keteıik, byltyr qalaǵa 103,1 mlrd teńgeden astam ınvestıtsııa tartylǵan.
Eske salaıyq, buǵan deıin Qapshaǵaıda bıyl jańa jaǵajaılar ashylatynyn jazǵanbyz.