21:24, 03 Jeltoqsan 2025 | GMT +5
Qonaevta jabaıy saýda úshin 2,5 mln teńgeden astam aıyppul salyndy
QONAEV. KAZINFORM — Qonaev qalasynyń Abaı kóshesinde birneshe jyldar boıy jabaıy saýda orny bolǵan.
Qala ákimdiginiń málimetinshe, munda qazir shahardyń kelbetin jaqsartý maqsatynda skver paıda boldy. Sonymen qatar Workout alańy salyndy.
— Qonaev ákimdiginiń 2022 jylǵy qaýlysymen, «Aısha sıtı» bazary statsıonarlyq emes bólshek saýda orny retinde belgilengen. Sol sebepti endi satýshylar osy bazarǵa baryp, kásippen aınalysýy tıis. Jármeńkelik oryndar daıyndalyp qoıǵan, — dep túsindirdi ákimdikten.
Jyl basynan beri Qonaevta belgilenbegen orynda saýda júrgizgen jeke jáne zańdy tulǵalarǵa 2 562 600 teńge aıyppul salynǵan.
Eske salaıyq, buǵan deıin Qonaevta zańsyz saýda oryndarynyń ornyna saıabaq salynatynyn jazǵanbyz.