Qonaevta zańsyz saýda oryndary buzylyp, ornyna saıabaq salynady
QONAEV. KAZINFORM – Qonaev qalasynda jańa saıabaq salynady.
Qala ákimimen kezdesý barysynda turǵyndar birneshe jyldan beri Abaı kóshesinde jaılaǵan zańsyz saýda oryndaryna shaǵymdandy. Turǵyndardyń aıtýynsha, mundaǵy saýdagerlerge polıtsııa qyzmetkerleri aıyppul salǵanymen, másele túbegeıli sheshilmeı keledi.
Shahar basshysy Ashat Berdihanov bul másele boıynsha sáýlet jáne qala qurylysy bólimi mamandary ınvestormen kelissózder júrgizgenin atap ótti. Qazir zańsyz saýda oryndary alynyp, saıabaq qurylysy bastalǵan.
– Investor óz qarajatyna skver salyp jatyr. Qurylys jumystary bastaldy. Qala turǵyndary demalatyn, qydyratyn taǵy bir aımaq paıda bolady. Munda sport, balalar alańy salynyp, shaǵyn sáýlettik nysandar qoıylady. Qolaıly orta qurý baǵytyndaǵy jumysymyzdyń biri – osy, - dedi Ashat Berdihanov.
Qonaev ákimdiginiń málimetinshe, Komsomolskaıa kóshesi men temirjol vokzaly aýmaǵynda da skver salynýy múmkin. Qazir joba qaralyp jatyr.
Eske salaıyq, buǵan deıin Almatynyń Bostandyq aýdanynda jańa saıabaq boı kóteretinin jazǵanbyz.